НАТО-йы парламентон ассамблейы организгонд 108-æм Роуз-Роты семинар Сомихыстоны 22-23 сентябры уагъд æрцыд, кæцыйы хайад райстой Гуырдзыстоны парламенты иудадзыгон делегацийы уæнгтæ – ахуырады, зонады æмæ фæсивæды хъуыддæгты фæдыл комитеты сæрдар, Мариам Лашхи æмæ европæйы интеграцийы комитеты сæрдар, Леван Махашвили.

Семинары сæйраг темæ уыд Хуссар Кавказы цæугæ геополитикон ивындзинæдтæ æмæ уыцы фоныл Хбæстæты демократон, æдасдзинады, политикон æмæ экономикон процесстæ. Сæрмагонд хъусдард здæхт уыд Сомихыстон æмæ Азербайджаны æрдыгæй бафыст сабырадон бадзырдмæ æмæ регионыл йæ фæзындмæ. Сомихыстоны хицауады уæнгтæ æмæ мадзалы хайадисæг экспертон къордтæ хорзыл банымадтой Сомихы балансиргонд æттаг политикæ æмæ бахахх кодтой йæ нысаниуæг регионалон сабырад æмæ æдасдзинадæн.

Дискусситы рæстæджы Гуырдзыстоны парламентон делегацийы уæнгтæ позитивонæй саргъ кодтой Сомихыстон æмæ Азербайджаны æхсæн æрцæугæ сабырадон бадзырдæн, Сомих æмæ Туркы æхсæн ахастыты нормализацийы процессæн æмæ регионы экономикон размæцыд æмæ æдасдзинадыл сæ позитивон æндæвдадæн. Уыдон ма сæ хъус æрдардтой Гуырдзыстоны конструктивон рольмæ Ереван æмæ Бакуйы æхсæн сабырад саразыны хъуыддаджы.

Гуырдзыстоны делегацийы уæнгтæ – Мариан Лашхи æмæ Леван Махашвили – афтæдæр æркастысты Гуырдзыстоны позицитæм регионалон геополитикон ивæндзинæдты æмæ æдасдзинады фарстыты фæдыл.