Гуырдзыстоны мидхъуыддæгты министр Гека Геладзе Турчы Республикæйы Уæлдæфон тыхты аргълæвæрды æмæ инспекцийы департаменты директор инæлар-лейтенант Яшар Кадыогълуимæ фембæлд. Уый фæдыл информаци Гуырдзыстоны мидхъуыдтæгты министрад парахат кæны.

Министрады информацийæ, Яшар Кадыогълу къухдариуæг кодта  Турчы республикæйы делегацийæн, кæцы Гуырдзыстонмæ æрцыд туркаг æфсæддон хæдтæхæджы катастрофæйы фæстæ – делегацийы уæнгтæ, сæ гуырдзиаг коллегæтимæ иумæ, хайад райстой æмбæлон агурæн-ирвæзынгæнæн мадзæлтты æмæ авиакатастрофæйы бынатыл.

«Дыууæфарсон фембæлды рæстæджы, Яшар Кадыогълу бузныг расидтис Гека Геладзейæн йæ эффективон куысты æмæ координиргонд æмгуыстады тыххæй. Туркаг инæлары ныхæстæм гæсгæ, гуырдзиаг полицийы дæлхайæдтæ, кæцытæ куыстой авиакатастрофæйы бынатыл, хицæн кодтой сæ бæрзонд профессионализм æмæ стандартæй».