Гуырдзыстоны хæдбардзинады бон æнæхъæн бæстæйы масштабæй хицауады администрацийы организацигонд æндæр æмæ æндæр мадзæлттæй нысан цæуы.

26-æм майы, райсомæй, Тбилисы Сæрибары фæзыл æрсидтонты ардбахæрды традицион церемони уагъд æрцæудзæн.

Гуырдзыстоны хицауады администрацийы информацимæ гæсгæ, ацы азы Гуырдзыстоны хæдбардзинады бон нысангæнæг мадзæлттæ, Чырыстон дины паддзахадон дины расидыны 1700 азы сæрмæ баст концепцийыл бындурæвæрд сты: уырнынады 1700 азы нæ фидар кæны – уарзондзинад нæ иу кæны.

Сæ ныхасмæ гæсгæ, ацы датæйыл ардбахæрды церемони уыдзæн сеппæтæй стырдæр æмæ, фыццаг хатт, æрсиддонтæ ард бахæрдзысты Тбилисы æмæ Гуырдзыстоны 12 регионы алкæмæй рагондæр чырыстон аргъуантæ æмæ моладзандонты раз.

«Сæйраг сахары, культурон, спортивон, хиирхæфсæн æмæ сывæллæтты мадзæлттæ æнæхъæн боны дæргъы уагъд цæудзысты Орбелианийы фæзыл æмæ Александры цæхæрадоны, Параллелонæй, бæрæгбонон мадзæлттæ уагъд цæудзысты регионты централон фæзуаттыл.

17:10 сахатыл хæдбардзинады расидыны историон момент æнæхъæн бæстæйы масштабæй банысан кæндзысты паддзахадон гимны сæххæстæй. Хæдбардзинады бæрæгбоны мадзæлттæ æнæхъæн бæстæйы масштабæй гала-концерттæй фæуыдзысты.

«26-æм майы, Тбилисы, бæрæгбонон мадзæлттæ сырæздзысты Атонелийы уынгыл, Александры цæхæрадоны, Хазинийы æмæ Пховы, Пурцеладзейы æмæ Векуайы уынгты, афтæ дæр æввахс  районты» – ис фыст Гуырдзыстоны хицауады администрацийы расидæны.