Хъызты тыххæй, Гуырдзыстоны цалдæр  автомобилон фæндагыл змæлды специалон режимтæ сфидар кодтой.

Автомобилон  фæндæгты департаменты  информацийæ, змæлды  специалон  режимтæ  архайынц   ацы автомобилон фæндæгтыл:

Миты тыххæй  æхсæнадæмон  нысаниуæгы Мцхета-Степанцъминда-Ларсы автомобилон фæндаджы Гудаури(Поста)-Къобийы фадыгыл, мидпаддзахадон   нысаниуæгы  Гоми-Сачхере-Чъиатура-Зестапоны автомобилон фæндагыл, мидпаддзахадон нысаниуæгы  Кутаиси(Моцъамета)-Тъхъибул-Амбролауры  автомобилон фæндаджы км39-км62 (Накералайыæфцæг) æмæ мидпаддзахадон  нысаниуæгы  Сачхере(Сареки)-Узунта-Шкмери-Зудалы  автомобилон фæндагыл   фæдзæхст у  стыр уæзласæн  автотранспорты змæлд.

Интенсивон  миты æмæ  ныллæг  температурæйы тыххæй, мидпаддзахадон нысаниуæгы  Вазиан-Гомбор-Телауы автомобилон фæдаджы км36-км47  (Тетрицъхъаро-Верона) фадыгыл  змæлд гæнæн ис æрмæстдæр  дыууæ æмæ фылдæр хидджын   автотранспортæн. Автомобилон фæндаджы иннæ хайыл змæлд  автотранспортæн  уæгъд у.

Митуарыны æмæ зæйазары тыххæй, мидпаддзахадон нысаниуæгы  Зугдиди-Джвари-Местиа-Ласдилы  автомобилон фæнладжы км178-км185 (Кала-Ушгулы) фадыгыл   фæдзæхст у  алыхуызæн автотранспорты змæлд. Фæнысангонд фæндаджы  км70-км178 (Хаиши-Кала)  фадыгыл тобæгонд у   стыр уæзласæн æмæ м3 категорийы  22-йæ фылдæр æрбадæн бынатджын  бæлццонон  автотранспорты змæлд. Æрмæст км100-км178 (Лахамула-Кала) фадыгыл, рог автотранспорты  змæлд  уæгд у æрмæстдæр цæлхытыл специалон рæхысты фæрцы. Дыууæ æмæ фылдæр хидджын  хæтдулгæтæн  змæлд уæгъд у. Автомобилон фæндаджы км1-км70 (Зугдид-Хаиши) фадыгыл  автотранспорты змæлд  уæгъд у.