Æппæт Гуырдзыстоны Каталикос-Патриарх, Мцхета-Тбилисы архиепископ Гуырдзыстоны аргъуаны уæрæхгонд синодæй æвзæрст æрцæудзæн.

Гуырдзыстоны аргъуаны разамонæг советы уагæвæрдмæ гæсгæ, Патриархон къæлæтджыны æмбынативæг 40 боны фæстæ, хъуамæ фæсида Синодмæ, фæлæ æрмæст дыууæ мæйы æмгъуыдмæ.

Гуырдзыстоны аргъуаны Уæрæхгонд Синоды агъоммæ, Сыгъдæг Синоды рабадт æрсидт уыдзæн, кæцы Патриархтæм кандидатты равзардзæн.

Æппæт Гуырдзыстоны Каталикос-Патриархмæ кандидат хъуамæ æххæст кæна ахæм домæнтæ: националондзинадæй уа гуырдзиаг, Гуырдзыстоны рæстдинон аргъуаны хистæр сауджын, дины ахуырад æмæ аргъуаны хицауиуæгады фаг фæлтæрддзинад, æппынкъаддæр цыппор азы кары æмæ æвдай азæй фылдæр ма цæуа æмæ уа моладзан.

Сыгъдæг Синод равзардзæн æртæ кандидаты, кæцыты бавдисдзысты Уæрæхгонд Синоды. Синоды алы уæнгæн дæр ис бар бавдисын иу кандидаты Патриархатмæ, уыцы нымæцы йæхи дæр. Æртæ иерархы, кæцытæ Синоды фылдæр хъæлæстæ райсой, уæрæхгонд æмбырды æвзæрстытæм балæудзысты Патриархаты кандидаттæй. Хъæлæсты æрдæгæй фылдæр иу кандидат дæр куы нæ райса, уæд уагъд цæудзæн дыккаг хъæлæсæппæрст. Архайдзысты дзы уыцы дыууæ кандидаты, кæцытæ фыццаг бюллетены фылдæр хъæлæстæ райсой.

Католикос-Патриархы равзæрсты хъæлæсæппæрсты архайдзысты æрмæстдæр иерархтæ. Æппæт Гуырдзыстоны Каталикос-Патриархæй æвзæрстгонд кандидат, кæцы ассамблейы хайадисæг иерархиты хъæлæсты æрдæгæй фылдæр райсдзæн.

Гуырдзыстоны Каталикос-Патриархы равзæрсты фæтк бæлвырдгонд у Гуырдзыстоны аргъуаны разамонæг советы уагæвæрдæй, кæцы 1995 азы 18-19 сентябры Светицховелийы кафедралон аргъуаны уагъд Гуырдзыстоны аргъуаны 13-æм Уæрæхгонд Советы райст æрцыд.

Ног Патриархы æвзæрсты онг Аргъуанæн разамынд кæны Патриархы Паддзахбадæн. Митрополит Шио (Муджири) 2017-æм азы 23-æм ноябрæй снысан ис патриархалон паддзахбадæнæй.

Æппæт Гуырдзыстоны Каталикос-Патриарх Илья Дыккаг 17-æм марты 93 азы кары амард.