Гуырдзыстоны мидхъуыддæгты министрады  информацийæ, Гуырдзыстоны хицауады æмæ Испанийы   падзахады   хицауады  æхцæн  националон   хæдтулгæ тæрыны  æвдисæндæртты  дыууæфарсонæй  банымады æмæ  баивды фæдыл   бадзырдыл  къух æввахс фидæны бафысдзысты.

Испанийы Паддзахады   министрты совет   нырид фехъусын кодта  разыдзинад бадзырды бафыссыны  фæдыл  æмæ фæнысангонд  уынаффæйы  фæдыл  информаци  Испанийы Паддзахады  президенты æмæ  министрты  советы  официалон веб-фарсыл  æвæрд æрцыд.

МХМ-хъусинагæй, бадзырды  йæ тыхмæ бахизыны фæстæ, фарсыты  лæвæрд  архайæг   хæдтулгæ  скъæрыны æвисæндæртты хицæуттæн нал уыдзысты тыхыбын,  теорион кæнæ практикон  фæлварæн раттын, æмæ сæ бон уыдзæн    æмбар æвдисæндар райсын  уыцы  паддзахады, кæцы у  сæ закъонон  цæрæн ран.

Бадзырдæй  бæрæг  у  скъæрыны æвдисæндары  категоритæ æмæ класстæ, кæцытæ  бадзырд йæ тыхмæ бахизыны  фæстæ  баивды дæлбар уыдзысты, сæрмагондæй  та : АМ, А1, А2, А, В, В+Е ,  скъæрыны  æвдисæндæртты  баивд  теорион кæнæ практикон  фæлварæнæй  цух  уыдзæн гæнæн, æрмæст С1, С1+Е, С, С+Е, D1,D1+E, D æмæ D+E æвдисæндæртты баивынæн,  куыриат дæттæг тыхыбын уыдзæн   скъæрыны фæлварæн раттын  хуымæтæг змæлдæн гом  фæндæгтыл, уыцы  транспортон фæрæзы кæнæ  уæзласæнтæ  скъæргæйæ, кæцыты   скъæрыны  барлæвæрд уыдзæн  фæнысангонд  æвдисæндæрттæй.