Гуырдзиаг сæнæфсиртæ Францы гуырдзиаг  Левилы ныссагътой. Уый фæдыл информаци Гуырдзыстоны культурæйы министрад парахат кæны.

Министрады информацийæ, Ркацъители æмæ Саперави 1000 квадратон метры фæзуатыл ныссадзтой, афтæмæй Гуырдзыстон, куыд сæны райгуырæн бæстæ, Францы йæ ​​сæнæфснайæн культурæ æвдисы æмæ дыууæ бæстæйы æхсæн историон бастдзинæдтæн ног нысаниуæг æфтауы.

«2025 азы къухфыст меморандумы бындурыл территорийы бацæттæ кæныны хъуыддаг баххæст кодта Националон музей, процессæн зонадон æмæ методикон æххуыс бакодта хъæууон хæдзарады зонадон-иртасæн центр, проекты практикон реализаци æмæ сæнæфсирдоны агротехникон æгъдауæй бахъахъхъæнын йæхимæ райста  «Шато Зегаан».

«Левилы зæххыл цы гуырдзиаг сæнæфсиртæ æрзайын кæнынц, уыдон бынатæн ноджы фылдæр нысаниуæг дæттынц гуырдзиаг культурæйы бахъахъхъæныны, гуырдзиаг бынтæ æмæ Гуырдзыстон æмæ Францы æхсæн æмгуыстады къуымæй» – ис фыст культурæйы министрады расидæны.