Гуырдзыстоны хицауады æскъуыддзагæй, 2025-æм азы Гуырдзыстоны ахуырады системæйы историйы фыццаг хатт паддзахадон æвзаджы фæлварæн сырæздзæн. Фæлварæны регистраци 24-æм ноябры райдайдзæн æмæ 1-æм декабры фæуыдзæн – уый фæдыл ахуырады, зонады æмæ фæсивæды министр Гиви Миканадзе  расидтис.
Гиви Миканадзейы ныхасмæ гæсгæ, дунейы фылдæр бæстæтæ уадзынц паддзахадон æвзаджы фæлварæнтæ, кæцыты фæстиуджытæм гæсгæ фæлварæгæн лæвæрд цæуы уыцы конкретон бæстæйы æрдыгæй нымад æвзаджы дæсныдзинады сертификат. Уый уæлдай нысаниуæгджын у фæсарæйнаг студенттæн, фæсарæйнаг æмбæстæгтæн, кæцытæн ис паддзахадон службæйы кусыны бар, фæсарæнты цæрæг гуырдзиæгтæн æмæ бизнесы секторы кусæг æнæгуырдзиаг æвзагыл кусæг персоналæн.
«Амæй фæстæмæ паддзахадон æвзаджы фæлварæн афæдзы мидæг цалдæр хатт уагъд цæудзæн æмæ нын фадат ратдзæн цыппар компетенци сбæрæг кæнын, уыдон сты: хъусын, кæсын, фыссын æмæ дзурын.Ацы этапыл уагъд æрцæудзæн дыууæ æндæр æмæ æндæр  фæлварæн: фыццаг бæрæг кæндзæн гуырдзиаг æвзаджы арæхстдзинады А1 æмæ А2 æмвæзадтæ, дыккаг – В1 æмæ В2 æмвæзадтæ. абитуриент æмбырд кæны», — банысан кодта министр.
Паддзахадон æвзаг зоныны æмвæзад бæлвырдгæнæг документ ратдзæн паддзахадон æвзаджы управлени, паддзахадон æвзаджы фæлварæны хатдзæгтæ хынцгæйæ.