Ханукайы  цырагъ  куы ссудздзынæн  уæд кувдзынæн, цæмæй  Израилы уа сабырдзинад,  алы дзуттаг  бинонтæм уа  сабырад,  Гуырдзыстоны уа сабырдзинад  æмæ  æппæт Дунейы мачиуал фена  кæуындзаст сывæллæтты –  уый  фæдыл  Гуырдызстоны премьер-министр  Гиорги Квирикашвили  Ханукайы бæрæгбоныл Тбилисы  Стыр Синагогæйы   загъта.

Афтæдæр йæ  ныхæстæм  гæсгæ,   Гуырдзыстонæн  26 æнусон  хæлардзинад   уникалон у  ай ахæм цау у,  кæцы рæстæджы  дæр дыууæ æфсымрæон   нацийы æхсæн  ис бирæ  иумæйаг.

«Мæнæн стыр кад у,  цæмæй  ацы  бон  дзырдæй ралæууон   махæн сеппæтæй  хæстæг  æмæ сеппæтæй  рагон  хæлар  нацийы  минæвæртты раз.   Фæнды мæ раарфæ уын кæнон   ацы  иттæг нысаниуæгджын   бæрæгбон,  кæцыйæ  банысан вæйы  хæрзиуæг кæддæриддæр  фыдбылызы   кæй  басæтты   уый.  Махæн   гуырдзиæгтæн  дæр,  ацы бæрæгбон  у  символон æмæ  уым,  мах цы ран стæм,   ацы сыхы  Гуырдзстоны  бавдыст сты    алы  традицион религийы  минæварад,  фæлæ Гуырдзыстонæн  26 æнусон    хæлардзинад   æцæгæй дæр уникалон у.   Ай ахæм цау у æмæ  махæн  нæ дыууæ нацийæн  ис бирæ  иумæйаг.   Ис нын иумæйаг    истори,  уый нымæцы  иумæйаг тохы истори дæр,   гуырдзиæгтæ   дзуттæгты  тыххæй  куы хæцыдысты  æмæ  дзуттæгтæ та,  кæцытæ Гуырдзыстоны цардысты,  хæцыдысты гуырдзиæгты тыххæй.   Тох кодтам   кæрæдзийы  культон   религион   бæстыхæйтты фервæзын кæнæнæн дæр.  Æмæ ацы истори  алкæмæн йæ  зæрдыл лæууы. Фæнды  мæ  зæрдиагæй уын раарфæ кæнон   ацы  иттæг  нысаниуæгджын бæрæгбон. Ханукайы  цырагъ  куы ссудздзынæн  уæд кувдзынæн, цæмæй  Израилы уа сабырдзинад,  алы дзуттаг  бинонтæм уа  сабырад,  Гуырдзыстоны уа сабырдзинад  æмæ  æппæт Дунейы мачиуал фена  кæуындзаст сывæллæттæ.    Махæн сидтытæ  дæр иумæйаг сты, æмæ ныфсджын дæн,  цæмæй  нæ адæмты  æхсæн историйы  сеппæтæй   зынаргъдæр сыфтæртæ фидæны æрцæудзысты   фыст» –   банысан кодта Гиорги Квирикашвили.