Тбилисы горæтон тæрхондон Гиорги Канделаки, Борис Гогичаишвили, Александр Куртанидзе, Картлос Джалабадзе, Гиорги Бибилаишвили, Гироги Кавтарадзе æмæ Тенгиз Гулордавайæн ахæстоны фæбадыны тæрхон рахаста, куыд профилактикон мадзал алкогол æмæ æнæакциз сигаретæйы рауагъды аххосагæй.

Тæрхонгæнæг Эпиташвили Теона цыбыр рæстæджы размæ фехъусын кодта.

Гуырдзыстоны прокуратурæ знон Гиорги Канделаки, Борис Гогичаишвили, Александр Куртанидзе, Картлос Джалабадзе, Гиорги Бибилайшвили, Гироги Кавтарадзе æмæ Тенгиз Гулордавайы ныхмæ хъаст бахаста.

Хъуыддаг хауы организацигонд къорды æрдыгæй уæлдай стыр бæрцæй æнæ акцизон маркæтæй товарты рауагъд æмæ æвæрдмæ, афтæ дæр искæй базарадон нысан æмæ регистрацигонд компанийы номæй æнæзакононæй пайда кæнгæйæ товарты рауагъдмæ. Фæдагуырдмæ гæсгæ, бирæ азты дæргъы аххосджынтæ системонæй уагътой æмæ æвæрдтой виски æмæ арахъ æнæ акцизон маркæтæй Гуры, цæмæй сæ фæстæдæр ауæй кодтаиккой. Уагъдгонд карз нозты уæй кæнын фæхуымæтæгдæр кæныны æмæ фылдæр æфтиæгтæ райсыны тыххæй фыдгæнæг къорды уæнгтæ спайда кодтой алыгъуызон зындгонд фæсарæйнаг брендты нæмттæй æмæ базарадон нысæнттæй. Азымгæнæн æвдисы 7 азæй 10 азы онг ахæстоны фæбадын.