Гуырдзыстоны прокуратурæ раздæры премьер-министр Гиоргий Гахариайы ныхмæ уголовон хъуыддаг райдыдта.

Уый фæдыл абоны брифингыл Гуырдзыстоны сæйраг прокурор Гиоргий Гваракидзе расидтис.

Гваракидзе куыд банысан кодта афтæмæй, хъуыддаг хауы 2019 азы 20-21 июны æмæ Чорчаны эпизодтæм.

«Сæрмагондæй, парламенты галуаны алфамбылай уагъд протестон митингы рæстæджы дыууæйæ фылдæр адæймагæн æнæбары уæззау зианы æрхасты  факттæ æмæ куыстон бынат ахсæг официалон бартæй æнæзакъонæй спайда кæныны факттæ» – райхъусын кодта Гиоргий Гваракидзе.

Гваракидзейы ныхасмæ гæсгæ, Гиоргий Гахариайы ныхмæ бавдыст аххосаг æфхæрды формæ æмæ мадзалæй 13 азы онг ахæстоны фæбадын йæ зæрдыл дары.