Европарламент йæ фарсыл рахæцыд Еврокамисы ног скондæн, кæцыйы къухдариуæг кæны Урсула фон дер Лейен.

Европарламенты 370 уæнг схъæлæс кодтой Еврокамисы сразыдзинадæн, 282 та йæ ныхмæ уыдысты. 36 депутаты сæхи баурæдтой.

Еврокамисы ног уæнгтæ 1-æм декабрæй хъуамæ райдайой сæ æххæстбартæй пайда кæнын.

Урсула фон дер Лейен Еврокомисы президенты бынат дыккаг æмгъуыдмæ бацахсдзæн.

Уыдон хъуамæ официалонæй снысан уой Евросоветы æрдыгæй квалификацион фылдæры хайæ.

Уæрæхдæр кæныны фæдыл Европæйы къамисæг Марта Кос уыдзæн, кæцы Оливер Вархейы раивдзæн. Вархей йæхæдæг бацахсдзæн æнæниздзинады къамисы бынат. Фæсарæн хъуыддæгты æмæ æдасдзинады фарстаты комиссар уыдзæн Эстонийы раздæры премьер-министр, Кая Калас, кæцы Йозеф Борелы раивдзæн. Евроцæдисы юстицийы радон комиссар уыдзæн Ирландийы раздæры финансты министр Майкл Макграт, Евроцæдисы хъахъхъæнынады комиссар та суыдзæн Лиетувæйы Андриус ​​Кубилиус.