«Европаг Гуырдзыстон» «Стратегиа Агъмашенебели»  «Гирчи» æмæ «Лело» аразынц иумæйаг фидиуæн.

Фидиуæны  куыд  у банысангонд афтæмæй,   фæнысангонд партитæ  нæ  хъавынц  æвзæрстыты фæстиуджытыл бафидауын, дыккаг туры  хайад райсын æмæ  парламентмæ  бахизын.

«Мах  ноджы иу  хатт  хъусын кæнæм  нæ  хъæддых позици, ома  нæ хъавæм фальсифициргонд æвзæрстыты  фæстиуджытæ банымайын,  дыккаг туры хайад райсын  æмæ  æнæлегитимон парламентмæ бахизын. Дарддæр  кæнæм  сабырадон протест  фальсифициргонд æвзæрстыты  ныхмæ.  Нæ æркуырд у æнæивгæ – æвзæрстыты  ногæй  ауадзын, ЦÆК администраци раивын  æмæ  политахæсстты  ссæрибар кæнын.  Растдæр  ацы фарстыл хъуамæ  цæуа диалог  Иванишвилийы   режимимæ  Гуырдзыстоны æхсæнадæмон  хæоæлртты  æхсæны бацыдæй. Курæм МХМ-йæ  ма бауадзæт  политикон  тыхты  хæстæг контакт  митинггæнджытимæ, уымæн æмæ сæ компетенци  æмæ фæлтæрддзинад æгъгъæд нæу  ацы типы  уавæрты  эффективон æмæ  закъоны фæлгæтты  контрол кæнынæн.

Курæг стæм сабырадон манифестанттæй, уый нымæцы кæцыфæнды  политикон  къорды фарсхæцджытæй,  рæстагæй  мæсты  чи сты  фалсьфициргонд æвзæрстытæй æмæ хицауады æрдгæй   тыхмидзинадæй,  ма  бахизæт  физикон конфронтацимæ  пъæлицæйимæ.  Афтæ чи  архайдзæн чи фæнды дæр уæд уый, йæхæдæг  рацух кæндзæн йæхи  сабырадон протесты фæлгæттæй. Цæттæ стæм дæргъвæтин   æмæ сабыр  протестмæ.  Нæ протесты тых ис сабырадон архæйдтыты.  Оппозицийы  иумæйаг   бадзырдæй   дарддæры протест уыдзæн   14   ноябры  Тбилисы, 21  ноябры та  фальсифициргонд æвзæрстыты  дыккаг  фиктивон  туры рæстæджы,  сабырадон удæгас рæхыс» дзырдæуы  фидиуæны.