Володимир Зеленскийимæ онлайн фембæлды рæстæджы Европайы лидертæ Украинæйæн йæ фарсылхæцындзинад ноджы иу хатт сбæлвырд кодтой. Онлайн фембæлд Урс Хæдзары Володимир Зеленский æмæ Дональд Трампы фембæлды фæстæ сырæзт.

Германийы канцлер Фридрих Мерц банысан кæны, цæмæй Украинæйæн ис æххæст фарсылхæцындзинад Германи æмæ нæ европон партнертæй сабырады фæндагыл.

«Президент Зеленскийæн ис æххæст фарсылхæцындзинад Германи æмæ нæ европæйаг хæлæрттæй сабырады фæндагыл.Президент Трампимæ фембæлды фæстæ ныхас кодтам æмæ дарддæры къахдзæфтæ сараздзыстæм координацион уагæй.Украинæйæн ныр хъæуы сабырадон пълан» – ныффыста Мерц социалон медийы.

Евросоветы президент Антонио Коста расидтис, цæмæй фидæн къуыри Евросоветы саммитыл лидертæ æруынаффæ кæндзысты конкретон къахдзæфтыл фарсылхæцындзинад фæтыхджындæр кæнын æмæ Уæрæсейыл æлхъывдад фæбæрзонддæр кæнынæн.

«Украинайы президент Дональд Трампимæ фембæлды фæстæ æз ныхас кодтон президент Зеленскийимæ æмæ европæйаг лидертимæ. Нæ иумæйаг нысан нырма дæр у Украинæйæн рæстадон æмæ æнæфæцудгæ сабырад баххæсын. Уый къухы бафтынæн æнæмæнгхъæугæ у æфсæддон, финансон æмæ дипломативон æххуыс, афтæ дæр æдасдзинады гарантитæ», – банысан кодта Кошта.

Финляндийы президент Александр Стубб расидтис, цæмæй Европæ фидарæй лæууы Украинæйы фарсмæ.

«Æз ныртæккæ фæдæн ныхас президент Зеленскийимæ æмæ европæйаг лидертимæ. Мах фидарæй лæууæм Украинæимæ. Уый нымæцы æфсæддон æмæ финансон æххуыс, æдасдзинады гарантитæ, æхсты фæурæд æмæ сабырадон процесс. Куыст дарддæр кæны. Никæй фæнды ацы хæст фæуромын куыд украинæгты», -расидтис Стубб.