Еврокамисы миграцийы æмæ мидхъуыдтæгты генералон директорат фыссы Гуырдзыстоны æттаг хъуыдтæгты министр Мака Бочъоришвилимæ.
Миграцийы æмæ мидхъуыддæгты фæдыл министры фыстæджы курынц, цæмæй Къамисæн лæвæрд æрцæуа ноггонд информаци рекомендациты реализацийы тыххæй æмæ, кæд уый нырма нæма æххæстгонд æрцыд, уæд æмбæлон мадзæлттæ ист æрцæуой Къамисы рекомендациты æвæрд фарстытæ аиуварс кæныны тыххæй.
Фыстæджы афтæ дæр ис фыст, цæмæй камис рекомендациты сыххæстæн аргълæвæрд скæндзæн визæйы æрурæды механизмы фæдыл радон хыгъдлæвæрды фæлгæтты.
Фыстæгимæ ис рекомендациты æххæст номхыгъд:
«Рекомендацитæ, кæцытæ æрвыст æрцыдысты Гуырдзыстонмæ визæты æрурæды механизмы æвдæм хыгъдлæвæрды:
Сифтонг кæнын æмæ хъахъхъæнын Гуырдзыстоны æппæт æмбæстæгты бындурон бартæ, се æхсæн æмбырды, ныхасы æмæ ассоциацийы сæрибардзинад, сусæгдзинады бар, æхсæнадон царды хайад райсыны бар æмæ дискриминацийы тобæдзинад.
Хизут æмæ скусын кæнут цыфæнды закъондæттынад, кæцы арæн кæны бындурон бартæ æмæ сæрибардзинæдтæ, халы æнæдискриминацийы принцип æмæ ныхмæлæууæг у европæйаг æмæ æхсæнадæмон стандарттæн. Сæрмагондæй, «Фæсарæйнаг æндæвдады æргомдзинады» закъон æмæ «Бинонты аргъдзинæдты æмæ æнахъомты хъахъæды» пакет æмæ адæймаджы барты националон стратеги æмæ архайды пъланы ногæй бакæсын, цæмæй æххæстæй хъахъхъæд æрцæуой ЛГБТИК адæймæгты бартæ.
Гуырдзыстоны визæйон политикæ æмдзу кæна Евроцæдисы бæстæты номхыгъдимæ, кæцытæ сты визæйы домæнтæм гæсгæ, сæрмагондæй уыцы бæстæты æрдæм, кæцытæ тæссагдзинад хæссынц Евроцæдисы æдасдзинадæн кæнæ æнæрегулярон миграцийæн.
Евроцæдисы бæстæты æмбæхсæнагурджыты æнæбындур куырдиæтты æмæ æнæзакъонон цæрыны ныхмæ архайдтытæ фæтыхджындæр кæнын, уый нымæцы информацион кампаниты фæрцы æнæвизæйон балцы уавæрты фæдыл æмæ арæнты контрол фæкарздæр кæныны фæрцы.
Æрæвæрын активты æрыздахыны æмæ управленийы офистæ æмæ адарддæр кæнын тыхархайд активты фæдæвзарæн, æрæхгæнын, управлени, конфискаци æмæ æрвитынæн.
Коррупцийы ныхмæ ног стратеги æмæ архайды пълан райсын, сæ реализацийæн æмбæлон фæрæзтæ сифтонг кæнын æмæ бæрзонд æмвæзады коррупцийы хъуыддæгты фæдагуырд, фæдагуырд æмæ тæрхон кæнынмæ сæрмагонд хъусдард аздахын.
Коррупцийы ныхмæ бюройы фæдыл закъонмæ ивындзинад, цæмæй æххæстгонд æрцæуой Венецийы къамисы сæйраг рекомендацитæ, сæрмагондæй бюройы хæдбардзинады, политикон нейтралондзинады æмæ функциты фæдыл.
Персоналон бæрæггæнæнты хъахъхъæныны закъон Евроцæдисы барадон базæмæ гæсгæ æркæнын.