Абон Брюсселы Евроцæдисы лидерты дыууæбонон саммит сырæздзæн. Лидертæ аскъуыддзаг  кæндзысты, куыд сифтонг кæной  Украинæйы финансирдзинад 2026-2027 азты, се  æхсæн æфсæддон æмæ хъахъхъæнынады хъуагдзинæдтæн. Афтæ дæр æруынаффæ кæндзысты Украинæйæн æдасдзинады гарантитæ æмæ сабырад баххæсынæн  дипломативон тыхархайдтытæ.

Афтæ дæр саммитыл ныхас цæудзæн кандидат бæстæты Евроцæдисмæ бацыды процессыл æмæ уыцы къуымæй æххæстгонд прогрессыл. Евроцæдисы лидертæ афтæ дæр æруынаффæ кæндзысты, куыд гæнæн ис æмæ Евроцæдисæн йæхи бахъахъхъæна æддагон экономикон æмæ политикон æлхъывдадæй, афтæ дæр куыд фæбæрзонддæр кæна конкурентондзинад. Боны фæткы афтæ дæр ис: бюджеты фарста, Æввахс Скæсæны уавæр, Европæйы хъахъхъæнынад æмæ миграци.

Саммиты сæрдариуæг кæндзæн Евросоветы президент Антонио Кошта. Фембæлдыл Украинайы президент Владимир Зеленский дæр уыдзæн.