Евроцæдисы фæсарæн хъуыддæгты æмæ хъахъхъæнынады министрты бæлвырд документы дзырдæуы Гуырдзыстоны фæдыл дæр
Евроцæдисы фæсарæн хъуыддæгты æмæ хъахъхъæнынады министрты бæлвырд хъахъхъæнынады æмæ æдасдзинады политикæ бæрæггæнæг документы номхуындæй «Стратегион компас» дзырдæуы Гуырдзыстоны тыххæй дæр.
«Украинайы ныхмæ æнæпровоциргонд æмæ æнæраст агрессийæ Уæрæсе гуырымыхъхъ халы æхсæнадæмон гуманитарон барад, ИНО-йы уагæвæрды принциптæ æмæ йæ бын къахы Европаг æмæ глобалон стабилондзинад æмæ æдасдзинадæн. Уый æрцыд Гуырдзыстоны ныхмæ 2008 азы æфсæддон агрессийы, афтæма 2014 азы Хъырымы æнæзаконон анексийы æмæ Хурыскæсæн Украинайы æфсæддон хифæкæнды фæстæ. Гуырдзыстон æмæ Украинайы гарзджын хифæкæнынæй, Белорусы де-факто контролæй, афтæма дæргъвæтин конфликтты зонæты, сæ нымæцы Молдовæйы Республикæйы, Уæрæсейы æфсæддон хайадты уæвынæй Уæрæсейы хицауад активонæй тырны а.х. æндæвдады сферæты сфидар кæнынмæ», – дзырдæуы Евроцæдисы министрты ист документы.
Евроцæдисы стратегийы куыд дзырдæуы афтæмæй, хурыскæсæн сыхы Уæрæсейы гарзджын тыхтæ комкоммæ бырсынц Украинамæ, æрмæст Молдовæ, Гуырдзыстон æмæ Хуссар Кавказы æндæр бæстæтæ иудадзыг тасы æфтауыны, сæ суверенитет æмæ территорион æнæхъæндзинадæн комкоммæ æртхъирæны раз лæууынц æмæ фæстиат конфликтты къæппæджы сты фидар.
«Гуырдзыстон æмæ Молдовæйы раз уæвæг быцæусидтытæ, уый нымæцы Уæрæсейы знагон хифæкæнд, æфсæддон инструментты æмæ гибридон тактикæйæ уæрæх пайдакæнын тас хæссы ацы бæстæты стабилондзинадæн æмæ сæ демократон процессттæн æмæ комкоммæ фæзыны нæхи æдасдзинадыл дæр. Уымæ æмбæлгæйæ, адарддæр кæндзыстæм æнгом æмгуыстад ацы бæстæтимæ æмæ хъæддых æххуыс æмæ иузæрдыгдзинад бæлвырд кæнын сæ территорион æнæхъæндзинад æмæ суверенитетмæ. Украина, Гуырдзыстон æмæ Молдовæимæ, куыд Евроцæдисы хæстæг партнертимæ, стынг уыдзæни конкретон диалог æмæ æмгуыстад, сæрмагондæй та ахæм сферæты, цахæмдæр сты гибридон æртхъирæнты, дезинформацийæн йæ ныхмæ слæууын æмæ киберæдасдзинад», – дзырдæуы документы, кæцы фæстагмæ Евроцæдисы лидертæ, 24-25 марты плангонд саммитыл хъуамæ сфидар кæной.