“Евробарометры” æрфарстмæ гæсгæ, Евроцæдисмæ æууæнкдзинад 2024 азы фæззæджы бæрæггæнæнтимæ абаргæйæ 9% фæкъаддæр ис. Хыгъдлæвæрдмæ гæсгæ, Гуырдзыстоны респондентты 49% æууæндынц Евроцæдисыл.

“Евробарометры” æрфарст Гуырдзыстоны 2025 азы 27-æм мартæй 15-æм апрелы онг сырæзт, кæцыйы рæстæджы 1011 респондентæй æрфарст æрцыд.

2024-æм азы уалдзæджы уагъд æрфарстмæ гæсгæйæ, Гуырдзыстоны респондентты 66%-æн уыд æууæнк Евроцæдисмæ, кæцы нысан кæны, цæмæй фæстаг азы мидæг бæстæйы Евроцæдисмæ æууæнчы æмвæзад 17%-æй фæкъаддæр ис.

Социологон æрфарсты бæрæггæнæнтæм гæсгæ, Гуырдзыстоны æрфарстгондты 37% æнæууæнк сты Евроцæдисмæ, 14% дзуапп дæттынц: «нæ зонын».

Евроцæдисмæ респондентты 43% позитивон ахаст дарынц, 38% – нейтралон, 18% – æппæрццаг, 1% та фарстæн дзуапп нæ раттой.

Иртастмæ гæсгæ, Гуырдзыстоны фæззæджы уагъд иртастæй фæстæмæ, Евроцæдисы бæстæйы уæнгдзинад хорз кæй нымайынц, уыцы æмбæстæгты нымæц 9% фæкъаддæр ис. Ацы бæрæггæнæн у 60%. Респондентты 7% хъуыды кæнынц, цæмæй Евроцæдисы уæнгдзинад бæстæйæн æвзæр у, 28% та хъуыды кæнынц, цæмæй уый нæдæр хорз у, нæдæр æвзæр. Рафарстгондты 75% хъуыды кæнынц, цæмæй Гуырдзыстон Евроцæдисы уæнгдзинадæй пайда райсдзæн, ацы нымæц раздæры æрфарстимæ абаргæйæ 7% фæкъаддæр ис.

Социологион æрфарст æвдисы, цæмæй Гуырдзыстоны респондентты 51% æууæндынц националон хицауадыл, 44% та йæм нæ æууæндынц. Уымæй уæлдай ма, респондентты 48% æууæндынц Националон парламентыл, 45% та йæм нæ æууæндынц.

Рафарстгондты 40% æппæрццаг аргъ кæнынц бæстæйы экономикæйы уавæрæн, 56% та хъуыды кæнынц, цæмæй Гуырдзыстоны экономикон уавæр у æвзæр. Респонденттæй 33% нымайынц царды аргъ æмæ æргъты рæзт бæстæйы раз лæууæг ахсджиаг фарстатыл, 19% та сеппæтæй ахсджиагдæр фарстайыл нымайынц экономикон уавæр. 24% хъуыды кæнынц, уый кæй у æгуыстдзинад.

“Евробарометр” у æхсæнадон хъуыдыйы æрфарстыты рад, кæцытæ 1974 азæй фæстæмæ регуляронæй уагъд цæуынц, Европæйы къамис æмæ Евроцæдисы æндæр уагдæтты бардзырдмæ гæсгæ.