Патриархы паддзахбадæны, Сенаки æмæ Чхороцъхъуйы митрополит Шиойы (Муджири) ныхасмæ гæсгæ, «чысыл фæхуыздæр ис» Патриархы æнæниздзинады уавæр.

Йæ ныхасмæ гæсгæ, æппæт Гуырдзыстонæн нысаниуæгджын у кувын Патриархы æнæниздзинады фæдыл.

«Æхсæвы фыццаг сахатмæ æнхъæлмæ кæсæм специалистмæ, реаниматологмæ Туркæй, ныртæккæ цæуы уыцы терапи, кæцы раздæр снысан кодтой. Æнхъæлмæ кæсынц Патриархы уавæры динамикæмæ.  Арфæ йын кæнут æмæ йæ фидар кæнут.Мах дæр æнхъæлмæ кæсæм ног информацимæ, хъуыды кæнæм, цæмæй изæры исты базондзыстæм, фæлæ, куыд зонæм, афтæмæй чысыл фæхуыздæр ис  æмæ уый ныфсдæттæг у» – райхъусын кодта епископ Шио.

Гуырдзыстоны Католикос-Патриарх Илиа Дыгкаг знон æхсæвы æрæгмæ Кавказы медицинон центрмæ æнæниздзинад фæфыддæры аххосагæй  аргъæвтой. Дохтырты ныхасмæ гæсгæ, Патриархæн йæ гуыбынæй тынг туг цыд, цæй тыххæй дæр сарæзтой æмбæлон процедурæтæ æмæ тугцыд æрлæууыд. Илья II ныртæккæ ис  реанимацийы хайады.