Джуаншер Бурчъуладзе хайад райста Украинайы хъахъхъæнынады контактон къорды фембæлды
Гуырдзыстоны хъахъхъæнынады министр Джуаншер Бурчъуладзе Украинайы хъахъхæнынады контактон къорды фембæлды райста хайад.
Контактон къорды радæй 14-æм фембæлдæн сфысым кодта АИШ-ы хъахъхъæнынады нымæрдар Ллойд Остин.
Гуырдзыстоны хъахъхъæнынады министрады информацийæ, фембæлдыл дзырдæй ралæууыдысты НАТО-йы генералон нымæрдар Йенс Столтенберг, Евроцæдисы фæсарæн хъуыддæгты æмæ æдасдзинады политикæйы бæрзонддæр минæвар, еврокомиссийы вице-президент Жозеп Борел æмæ Автсралийы вице-премьер Ричард Марлс.
Уагдоны хъусинагæй, Украинайы фарсхæцæг æхсæнадæмон къорды уæнгтæ Украинайы Уæрæсейы агрессийы фæстиуæгæн сырæзт уавæр æмæ цæугæ хæсты Украинайæн координацигонд æфсæддон æххуысы хъæуындзинæдтæ афæлгæстой. Фарсхæцæг бæстæты хъахъхъæнынады министртæ æмæ хъахъхъæнынады тыхты сæрдæрттæ Украинайы цыбырæмгъуыдон æмæ дæргъвæтин хъæуындзинæдтыл фæуынаффæ кодтой.
Украинайы контактон къорд, Америкæйы Иугонд Штатты инцииативæйæ 2022 азы апрелы сырæзт æмæ Украинайы фарсхæцæг 50-йæ фылдæр бæстæ иу кæны.