Урс Хæдзар АИШ-ы президент Джо Байдены расидæн Гуырдзыстоны ауагъд æвзæрстыты фæдыл публикаци кæны.

АИШ-ы президент Гуырдзыстоны хицауадмæ сиды, æргомæй сбæрæг кæна æппæт æвзарæнон хæлдтытæ. Афтæ дæр Байден Гуырдзыстоны алы политикон тыхмæ сиды, цæмæй карзæй æххæст кæной барады уæлдæрдзинад.

«АИШ бирæ рæстæг лæууыд гуырдзиаг адæмы фарсмæ æмæ йæ фарсыл хæцыд Гуырдзыстоны суверенитетæн, территорион æнæхъæндзинадæн æмæ евроатлантикон тырнындзинæдтæн. Растдæр уый тыххæй мæ тынг тыхсын кæны фæстаг рæстæджы бæстæйы демократийы æрхауд, уый нымæцы «Уæрæсейы Закъæттæм» æнгæс закъондæттынады райст, кæцытæ фундаменталон сæрибардзинæдтæ арæн кæнынц æмæ æмбæстагон æхсæнады хæдбар организацитæн бынат фæкъаддæр кæнынц.

Гуырдзыстоны 26 октябры уагъдцæуæг парламентон æвзæрстытæ фæхъыгдард сты административон фæрæзтæй æнæраст спайда кæныны бирæнымæц цаутæй, афтæ дæр æвзарджыты тæрсын кæнын æмæ тыхми кæнынæй. Гуырдзыстоны æмбæстæгтæн ис бар сабырадонæй раргом кæной сæ хъуыдытæ ацы æвзæрстыты ауадзыны фæдыл, кæцыты хæдбар дунеон æмæ бынæттон цæстдарджытæ нæ банымадтой сæрибар æмæ рæстадон æвзæрстытыл.

Сидæм Гуырдзыстоны хицауадмæ, æргомæй сбæрæг кæна æппæт æвзарæнон хæлдтытæ, скусын кæна ахæм закъæттæ, куыд «Фæсарæйнаг æндæвдады æргомдзинады» закъон, кæцы арæн кæны æмбырды æмæ ныхасы сæрибардзинад. Гуырдзыстоны æппæт политикон тыхтимæ æвæстиатæй, райдайут æвæстиатæй, инклюзивон диалог Гуырдзыстоны алы политикон тыхтимæ, цæмæй æвзæрстыты æууæнкдзинад сног уа.Сидæм алы фарсмæ, карзæй хъахъхъæной барады уæлдæрдзинад æмæ фундаменталон сæрибардзинæдтæ, кæцытæ Гуырдзыстоны евроатлантикон фидæны бындурæй баззадысты», – ис фыст фидиуæны.