Ныфс мæ ис, цæмæй АИШ æмæ Евроцæдис нæ тырндзысты сæ тых рауæрæх кæнын ахæм хуызы, кæцы Гуырдзыстонæн тæссаг у, – уый фæдыл Колумбийы университеты æнæфæцудгæ рæзынады центры директор Джеффри Сакс Тбилисы æнæфæцудгæ рæзынады фæдыл регионалон форумы ныхасы рæстæджы расидтис.

Профессор Джеффри Сакс баиу ис форумы хайадисджытæм онлайн æмæ сын загъта арфæйы ныхас. Джеффри Сакс Гуырдзыстоны нысаниуæгджын геополитикон бынат æмæ Кавказы регионы сабырад фæтыхджындæр кæныны æнæмæнгхъæуындзинадыл фæныхас кодта.

«Сидын уæм, фыццаджы дæр, цæмæй бæрæг уа регионы æмкуыстдзинады фæдыл, се æхсæн Хуссар Кавказы бæстæты æхсæн æмгуыстад.Гуырдзыстон, Сомихстон æмæ Азербайджан – ацы æртæ бæстæ кæрæдзийыл баст сты, быцæудзинæдтæм æнæкæсгæйæ.Ацы æртæ бæстæ баст сты кæрæдзийы æхсæн сабырдзинадыл, æмæ регионы функционирдзинадыл йæ диссаджы туризм, хъæууон хæдзарады, транспортон æмæ уникалон секторимæ бастдзинад аразгæ у уыцы сабырдзинадæй», – загъта Джеффри Cакс.

Йæ ныхæстæм гæсгæ, Цæгат Кавказ хъуамæ йæхи бахиза ныгуылæйнаг хъæзтыты архайынæй.

«Æнæмæнгхъæуæг у, цæмæй Хуссар Кавказ ма суа пешка Ныгуылæны хъазты.Уæ рæсугъд паддзахад, кæцы у цивилизаци, кæцыйыл цæуы дæс мин азы, уæ хайбавæрд дунейæн, уæ рæсугъд бæстæйы туристон атракцион, уæ бæстæ куыд хъæууонхæдзарадон центр, кондадон центр, раззагон IT-центр, хид æмæ уæ цивилизацийы æхсæн хæзна, фидæны дидинæфтыд æмæ тагъд рæзты бындур. Ныфс мæ ис, цæмæй АИШ æмæ Евроцæдис кад кæндзысты ацы географийæн, уыдзысты хæларзæрдæ æмæ нæ бафæлвардзысты сæ тых рауæрæх кæнын ахæм хуызы, кæцы тæссаг у уæ бæстæйæн», – райхъусын кодта Джеффри Сакс.

Сæйраг сахары уагъд цæуы Тбилисы регионалон форум æнæфæцудгæ рæзты тыххæй (TBILISI RFSD), кæцыйы сæргонд у «Сабырады роль æнæфæцудгæ социалон-экономикон рæзты». Мадзал Тбилисы горæтон экономикон размæцыды департаменты организатор у æмæ дыууæ боны дæргъы адаргъ уыдзæн.