Дунейы  коронавирусы  цауты нымæц 34  милуанмæ ахæццæ ис.  Глобалонæй  вирусы амæттаг  ссис милуанæй фылдæр адæймаг.

Фæрынчынуæвджыты  æмæ фæмаруæвджыты нымæцæй,  фыццаг  бынатыл ис  АИШ, цы  ран вирус  7,2  милуан  адæймагæн  сбæлвырд ис.  Вирусы   цауты  нымæцæй    дыккаг бынатыл ис Инди, æрмæст  æртыккаг бынатыл  та – Бразили.

Вирусы  дыккаг  уылæнимæ  тох кæнынц  Европæйы дæр.  Сæрмагондæй  уæззау   эпидемиологион  уавæр ис  Испанийы.  Вирусы  цауты  фæфылдæры тыххæй,  абонæй  Мадриды  хъуамæ  скуса  карантин.  Вирусы  дыккаг уылæны  тыххæй   абонæй  уæлвæткон уавæр   ногæй  райхъусын кодтой   Словакийы.  Аналогион  режим  5  октябрæй   скусдзæн Чехийы.  Вирусы 12  минæй  фылдæр   ног цау  сбæлвырд ис  Францы.

Эпидемиологты  аргълæвæрдæй, рекордон   темпæй рæзы  «Ковид-19»-æй  фæрынчынуæвджыты нымæц  Латинаг Америкæйы дæр.  Фæстаг 24 сахаты дæргъы  сæрмагондæй  уæззау  уавæр ис   Аргентинæйы, цы ран фæнысангонд рæстæджы  дæргъы  14 минæй фылдæр  фæрынчынуæвæгы  рабæрæг кодтой.