Дунейы  коронавирусы  цауты  нымæц  25  миуанæй  ахызт. Пандемийы  амæттаг  ссис  846 мин адæймагы  цард.  Вирусыл фæтых сты  17,5 милуан  пациент.

«Ковид-19»-æй фæрынчынуæвджыты æмæ фæмардуæвджыты нымæцмæ  гæсгæ  фыццаг  бынаты ахсы  АИШ-æ, цы ран  вирус сбæлвырд ис 6-æй фылдæр  млуан адæймагæн. Дыккаг бынатыл  ис  Бразили  3,8 милуан  цауимæ æмæ  æртыккаг бынатыл ис Инди  3,5 милуан фæрынчынуæвæгимæ.

Фæстаг периоды  фæрынчынуæвджыты нымæц  рæз  Ныгуылæн Европæйы, кæцыйы  специалисттæ  бæттынц   улæфты  периодимæ.  Уый тыххæй  бæстæты  хай  тыхыбын баис, арæнæвæрдтæ фæкарз кæнын. Германийы   фæтобæ ис  ахæм массон   мадзæлтты ауадзын, кæцы рæтты фæрынчынуæвджыты контакттæ рабæрæг кæнын зын у.  Венгрийы та  1-аг сентябрæй,  фæсарæйнаг   æмбæстæгтæн  арæнтæ  æхгæд  æрцæудзæн.  Ацы арæнæвæрд мæйы кæронмæ аххæсдзæн.

Уæдмæ арæнтæ  æрыхгæнын ахицæн кодтой Украинайы дæр, цы ран  коронавирусæй фæрынчынуæвджыты  æрвылбойнон  уынинаг   афтæдæр бæрзонд у.

Уæрæсейы   коронавирусæй   фæрынчынуæвджыты нымæц  иу милуанмæ бахæццæ ис. Амард  17025 адæймаг.