АИШ-ы президент Дональд Трампы сæрмагонд минæвар, Стив Уиткофф расидтис, цæмæй Украинæйæн йæ бон нæ уыдзæн НАТО-йы уæнг суæвын, кæд æмæ альянсы 5-æм статьямæ гæсгæ æдасдзинады гарантитæ дæттыны фæдыл дискусси гæнæн ис.

Такер Карлсонимæ интервьюйы, Виткофф банысан кодта, цæмæй Украинæйы президент Владимир Зеленский æмæ президенты аппараты къухдариуæг Андрей Ермак эффективонæй бамбæрстой, цæмæй Украинæйы НАТО-йы уæнгдзинад æввахс фидæны нæй гæнæн.

«Мæнмæ гæсгæ, Зеленский æмæ йæ рахиз къух Ермак бирæбæрцæй бамбæрстой, цæмæй сæ бон нæу НАТО-йы уæнг суæвын» – банысан кодта Витков.

Уымæй дарддæр ма, Дональд Трампы минæвар банысан кодта, цæмæй НАТО-йы 5-æм статьяйы Украинæмæ ахæлиу кæныны фæдыл дискусситæ даргъ кæнынц, бæстæйы альянсы уæнгдзинадæй æнæхай фæуæвгæйæ.

Виткоффы ныхасмæ гæсгæ, Украинæйæн ахæм хъахъæды сифтонг кæныны фарста нырма дæр у дискуссийы темæ АИШ æмæ Европæйы бæстæты æхсæн.

«Украинæйæн йæ бон у АИШ-æй кæнæ Европæйы бæстæтæй исты райсын æнæ НАТО-йы уæнгдзинадæй? Мæнмæ гæсгæ, уый у гом фарста», — загъта Виткофф.