АИШ-ы президент Дональд Трампы бардзырдмæ гæсгæ, бæстæйы мидхъуыддæгты департамент Мексикæйы бакæлæны ном официалонæй аивта Америкæйы бакæлæнмæ. Уый фæдыл информаци Reuters хъусын кæны.

«Президенты бардзырдмæ гæсгæ, Мексикæйы бакæлæн официалон æгъдауæй зындгонд уыдзæн куыд Америкæйы бакæлæн æмæ Цæгат Америкæйы сеппæтæй бæрзонддæр цъупп та уыдзæн ном Маккинли хох». «Ацы ивддзинæдтæ ноджы иу хатт бæлвырд кæнынц бæстæйы æнæзивæгдзинад АИШ-ы æнахуыр бынтæ бахъахъхъæнынæн», – ис фыст АИШ-ы мидхъуыддæгты департаменты расидæны.

Зæгъын хъæуы уый, æмæ Трамп цалдæр хатты дзырдта Мексикæйы бакæлæны Америкæйы бакæлæны ном раивыны тыххæй, уыцы нымæцы инаугурацийы бон дæр. Уыцы бон, 20-æм январы АИШ-ы президент Дональд Трамп дæр йæ къух æрфыста æмбæлон æххæстгæнæн бардзырдыл.