АИШ-ы президент Дональд Трампы ныхасмæ гæсгæ, АИШ-ы æфсæддонтæ Венесуэлæйы лидер Николас Мадуро æмæ йæ бинойнаджы ахст æмæ сæ бæстæйæ акодтой.

«Америкæйы Иугонд Штаттæ æнтыстджынæй сарæзтой масштабон æхст Венесуэлæйы ныхмæ æмæ йæ лидер, президент Николас Мадуройы ныхмæ, кæцыйы æрцахстой æмæ йæ бинойнагимæ иумæ бæстæйæ акодтой. Ацы операци АИШ-ы барадхъахъхъæнæг органтимæ иумæ сырæзт. Бæлвырддæр хабæрттæ фæстæдæр фехъусын кæндзыстæм. Пресс-конференци уыдзæн абон 11 сахатыл: Мар-а-Лагойы.  Уый фæдыл Трамп социалон хызы ныффыста.

Каракасы хъуысы рæмыгъдытæ. Горæты сæрмæ федтой ныллæг тæхæг хæдтæхæг. Хъусинæгтæм гæсгæ, АИШ-ы æфсæддонтæ æфсæддон базæтæ, бæстæйы сæйраг порт æмæ Венесуэлайы парламенты бæстыхайыл бомбæтæ  æркалдтой.

Венесуэлайы хицауад рапарахат кодта расидæн, кæцыйы мидæг ис фыст, цæмæй президент Николас Мадуро бæстæйы уæлвæткон уавæр расидтис. Венесуэлæйы хицауады хъусынгæнинаджы дзырдæуы, цæмæй æнæхъæн бæстæ хъуамæ «мобилизаци кæна империалистон агрессийыл фæуæлахиз уæвынæн». Венесуэлæ афтæдæр АИШ-ы аххосджын кодта бырсты æмæ æфхæрдта «æфсæддон агресси», кæцыйы Вашингтон хъавы бæстæйы нефт æмæ минералон æрмæг байсынмæ.