Дональд Трамп йæ бинонтимæ иумæ Вашингтоны Сыгъдæг Иоанны аргъуаны куывдмæ бацыд. АИШ-ы президенттæн традици у, цæмæй сæ инаугурацийы райсом аргъуаны службæтæм цæуой.

Дональд Трампимæ иумæ аргъуаны уыдысты фидæны вице-президент Джей Ди Вэнс æмæ йæ бинойнаг. Уыдоны нымæцы сты Meta-йы бындурæвæрæг Марк Цукерберг, Amazon-ы бындурæвæрæг Джефф Безос æмæ Стыр Британийы раздæры премьер-министр Борис Джонсон.

Службæйы фæстæ ногæвзæрст президент фылдæр хатт йæ бинойнагимæ ацæуы Урс Хæдзармæ, цыран ын цыбыр фембæлд вæййы архайæг президентимæ. Трамп ард бахæрдзæн Тбилисы рæстæгæй 21:00 сахатыл.

Традиционæй, церемони уагъд цæуы æддейæ, Капитолийы къæпхæнтыл, фæлæ ацы хатт карз уазалы тыххæй, мадзал 1985-æм азæй фæстæмæ фыццаг хатт уагъд æрцæудзæн хæдзары мидæг.

Уымæ гæсгæ, Капитолийы мидæг ардбахæрды церемонийы æрцæудзæн арæнгонд нымæц адæймæгтæ – 600 адæймаджы бæрц.

Сомыйы церемонийы фæстæ, ног президент йæ инаугурацион ныхас раныхас кæндзæн.

Зæгъæм, Дональд Трампы раныхас 2017 азы инаугурацийы ахаста 17 минуты бæрц.

Америкæйаг медийы информацимæ гæсгæ, Дональд Трамп йæ инаугурацион раныхасы расиддзæн АИШ-ы националон интересты ног дуг æмæ æнæниз зонды революцийы тыххæй.