Æхсæнуагдонон  координацион  советы  уынаффæйæ коронавирусы  ахæлиу маруадзынæн  архайæг арæнæвæрдты хай  абонæй  уæгъд кæнынц.  Координацион  совет  бæстæйы  архайæг  арæнæвæрдтæ этапгай  аивды  план  цалдæр бон размæ  сфидар кодта.

Координацион советы куыд дзурынц  уымæ гæсгæ,   рахæсгæ уынаффæтæ эпидемиологион  уавæры анализыл æнцойæвæрд сты  æмæ сæ хъуыдыйы  дарынц  арæхсгай къахдзæфтæ, цæмæй  арæвæрдты фæстиуæгæн  райсгæ стабилизацийы  фæстæ,  бæстæйы  инфицирады  бæрæггæнæнтæ  фæстæмæ  та  нысаниуæгджынæй  ма  фестыр уой.

Сæрмагондæй та,  эпидемиологион уарæмæ гæсгæйæ,  арæнæвæрдтæ  этапгай  фæрогдæр уыдзысты:

Фыццаг февралæй

1. Батумы, Зугдиды, Поты æмæ Телавы сног уыдзæн

•  муниципалон транспорт
•  скъолатæ
•   дуканитæ æмæ  коммерцион центрты куыст

2. Тбилисы, Рустав æмæ Кутаисы

• Фыццаг  февралæй  сног кæндзысты  кусын дуканитæ æмæ базарадон  центртæ;
• Скъолаты æмæ  муниципалон  транспорты куыстмæ æрыздæхт плангонд у  фыццаг мартъимæ, эпидемиологион уавæрмæ гæсгæйæ;

3. Алы горæты гом æмæ æхгæд  базартæ  байгом  уыдзысты 15 февралæй.
4. Ачъарайы инфицирады фæдыл   авд боны астæуккаг  бæрæггæнæн 4%-æй  къаддæр кæй у уымæ гæсгæйæ, регионы  фыццаг февралæй   уæгъд уыдзæн  хæрæндон объектты  гом  тыгъдады  уазджыты райст. Фæстæмæ  йæ тыхы  баззайдзæнис  чындзæхсæвты,  æндæр æмæ æндæр  социалон  кæнæ  ритуалон мадзæлттæ  ауадзыны фæдыл  архайæг арæнæвæрд.
5. Æндæр регионты ресторантæ  æмæ хæрæндон объекттæ, уый нымæцы  фысымуæтты,  адарддæр кæндзысты  кусын   уæвæг режимæй –  ахæссын- бадавыны  сервистæй.
6. Рæвдауæндæтты куысты  сног, афтæдæр профессион æмæ  бæрзонд ахуыргæнæндæтты  студентты  аудиторитæм æрыздæхын плангонд у  фыццаг мартъийæ.

• Фыццаг мартъийы онг бæстæйы  масштабæй  йæ тыхы  баззайдзæнис змæлдыл  архайæг арæнæвæрд  21:00 сахатæй  05:00 сахаты онг.
• Райрæзгæ мобилондзинады  компенсацийы  нысанæн, февралы  дæргъы,  сабат-хуыцаубоны  нæ  кусдзæн  муниципалон транспорт, æрмæст ресторантæ, хæрæндон  объекттæ æмæ дуканитæ  кусдзысты ахæссын- бадавыны  сервистæй; аграрон базартæ, хæлцадон æмæ  цæрæгойты хæлцадон  дуканитæ, афтектæ  кусын адарддæр кæндзысты  хуымæтæг режимæй, æмбæлгæ  фæткæвæрдмæ гæсгæйæ.
• Йæ тыхы баззайдзæнис  алы æндæр арæнæвæрд, уый нымæцы къахдзоныгъон   курорттыл.
• Ацы этапыл арæнгонд уыдзæн горæтты æхсæн   змæлæг транспорты куыст дæр.
• Æнæмæнгхъæугæ у  маскæ дарын, фæлхасгæнджыты  къадаты, рæнхъыты  æмæ  дистанцийы фæткдæттын, кæцы  карз контролгонд цæудзæн.
• Арæнæвæрдтæ фæрогдæр кæнынимæ иумæ, вирусы  ахæлиу бауромынæн, бизнесмæ уыдзæн хæслæвæрд,  персоналы тестæй басгæрстыл бакой кæныны тыххæй.
• Бизнесимæ  æмæ  эксперттимæ консультациты  фæстиуæгæн, алкæцы  экономикон   куыстæн, эпидемиологион  риск-фактортæм  гæсгæйæ, сбæрæг ис  æнæмæнгхъæугæ  тестæй басгæрсты протоколтæ – персоналы минималон  нымæц æмæ басгæрсты  арæхад.
• Цыфæнды типы  базарадон объект, 30-æй  фылдæр кусæг кæм ис уыдон, сæ нымæцы  базартæ, хæсджын уыдзысты алы дыууæ къуырийы  иу хатт,  сифтонг кæной  кусджыты  иууыл къаддæр 20%-ы  басгæрст.
• Хæрæндон объекттæн æнæмæнгхъæугæ уыдзæн  алы дыууæ къуырийы иу  хатт, кусджыты  50%-ы  басгарын тестæй.
• Дыууæ къуырийы иу хатт цæудзæн  ахуыргæнджыты системон басгæрст дæр.