Оккупацигонд   Цхинвалы  а.х. президент  Бибылты Анатоли хъусын кæны,  цæмæй  Арчил Татунашвилийы  мæлæтыл  спекуляциты æмæ  истериты   иуæй-иу аххос у  Гуырдзыстоны  плангонд  президенттæм æвзæрстыты размæ   цæугæ   карз  политикон  тох.  Уый  фæдыл  Бибылты Анатолий загъта бынæттон медиимæ ныхасы  рæстæджы.

«Абон Гуырдзыстоны   цæуы  карз политикон  тох  президентон æвзæрстыты размæ.  Æндæр æмæ  æндæр политикон   тых архайы, ныффысса баллтæ  популистон фидиуæнты  æмæ   акциты хардзыл. Мах та æмбарæм  цæмæй нæ   сыхæгты цауы,   ахæм баллты  райст, сеппæтæй  æнцондæр у  националон темæйы, реваншистон  фидиуæнты,  нациты æхсæн фыдзæрдæдзинады  сцырын кæныны  бындурыл» –  расидтис Бибылты Анатолий.

Йæ ныхæстæм гæсгæ,  «цæугæ истерийы  ноджы иу   расидæг сты  Гуырдзыстоны  ныгуылæйнаг куратортæ, кæцытæ бартæ хъахъхъæнæг организацитæй  пайда кæнынц  уымæн, цæмæй   Хуссар Ирыстоны  равдысой,   куыд оккупацигонд   регионæй   афтæ,   цы ран  систематонæй æфхæрд цæуынц  адæймаджы бартæ».

«Сæ  бындурон барты реалон  сæтджыты рабæрæг кæнын сæ нæ фæнды, æндæр цауы, уыддон  ситы   сдзырдтаиккой,  гуырдзиаг полици  не æмбæстæгты  куы ахста æмæ сæ фæд  иу  куыс æрбайсæфт, уый нымæцы  æнахъомтæ дæр,  æмæ уый æнæфæсайгæ  бæлвырдгæнæнтæ ис  уæд» –  расидтис Бибылты Анатолий.