Централон æвзарæн къамисы развæлгъау бæрæггæнæнтæм гæсгæ, Александр Лукашенко Беларусы президентон æвзæрстыты фæуæлахиз ис.

Беларусы Централон æвзарæн къамисы бæрæггæнæнтæм гæсгæ, Лукашенко хъæлæсты 86,82% райста. Иннæ цыппар кандидаты тыххæй та Олег Гайдукевич райста 2,02%, Анна Канапацкая – 1,86%, Сергей Сиранков – 3,21%, Александр Хижняки – 1,74%, уыцы рæстæджы æвзарджыты 3,60% схъæлæс кодтой се ‘ппæты ныхмæ дæр.

Зæрдыл уын æрлæууын кæндзыстæм, æвзарæн фадгуытæ бынæттон рæстæгæй 08:00 сахатыл байгом сты æмæ 20:00 сахатыл сæхгæдтой. Æнæхъæн бæстæйы масштабæй 5 325 æвзарæнон фадыджы уыд гом. Беларусы Централон æвзарæн къамисы бæрæггæнæнтæм гæсгæ, президентон æвзæрстыты æвзарджыты хайадист уыд 85,70%. Александр Лукашенко Беларусы президент у 1994 азæй.