Гуырдзыстоны паддзахадон æдасдзинады куыст рабæрæг кодта транснационалон фыдракæнд æмæ баурæдта ацы фыдракæнды гæнæн рæзт æндæр æмæ æндæр здæхтыты, фехъусын кодтой брифингыл.

«Контрразвæдсгарæн департаменты æмæ службæйы спецоперациты департаменты кусджыты иумæйаг мадзæлтты фæстиуæгæн, горæт Батумы æнæзакононæй атомон æрмæгы уæй æмæ балхæды тыххæй ахст æрцыд иу Гуырдзыстоны æмбæстаг æмæ иу фæсарæйнаг æмбæстаг, сæрмагондæй та радиоактивон химион элемент уран.

Ахстгондты æхсæн арæзт бадзырдмæ гæсгæ, ураны æнæзакъонон уæй плангонд уыд æртæ милуан АИШ-ы долларæй.

Радиоактивон альфа æмæ гамма радиацийы дозæйы хъомыс æмæ равзæрæны æрдзондзинад хынцгæйæ, нысангонд атомон æрмæг, куыд компонент, пайда у алыгъуызон рæмудзæн æрмæг аразынæн, теракт саразынæн кæнæ æндæр уæззау, массон æмæ мæлæтдзаг фæстиуджытæ расайынæн».

Сæ информацимæ гæсгæ, Гуырдзыстоны уголовон кодексы 230-æм статьяйы фыццаг хаймæ гæсгæ, уæлдæрбанысангонд уголовон акты фæдыл цæуы фæдæвзарæн, кæцы фондзæй дæс азы онг æмгъуыдмæ ахæстоны фæбадыны тæрхон дары йæ зæрдыл.