Абон, 27-æм февралы, Гуырдзыстоны баскетболон командæ Дунейы чемпионаты æвзарæн матч Данийы ацæудзæн. Гуырдзыстоны Фыццаг Къанал 21:30 сахатыл комкоммæ репортаж бавдисдзæн. А къорды график афтæ арæзт у, цæмæй февралы рудзынгæй нæ командæ дыккаг матч дæр ахъаздзæн Данийы ныхмæ, фæлæ ацы хатт Тбилисы, 2-æм марты.

Иннæ этапмæ цы командæ ахиздзæн, уый хъысмæт нысаниуæгджынæй аразгæ у ацы дыууæ фембæлдæй: цыппаркомандæйон къорды (Испани, Украинæ, Гуырдзыстон, Дани) Гуырдзыстон æмæ Дани ахъазыдысты алкæцы дæр дыууæ матчы æмæ нырма нæ фæуæлахиз сты. Къордæй размæ рацæудзысты æртæ хуыздæр командæйы.

Æртæ командæ, кæцытæ А къордæй ахызтысты, иннæ этапыл В къорды триоимæ баиу уыдзысты, æмæ дыккаг этапы æхсæзкомандæйон къордæй фыццаг æртæ рамбулдзысты дунейы чемпионатмæ путевкæ. Командæтæ ахæсдзысты æппæт очкотæ, кæцытæ райстой фыццаг къорды, уый тыххæй дæр ахсджиаг сты Данийы ныхмæ хæдзарон æмæ æддагон уæлахизтæ.