Техасы биомедицинон иртастыты институты ахуыргæндтæ цæрæгойты æрхъуыдыдзинады диссаджы сценæйы æвдисæнтæ фестадысты. Æмархайды фæстиуæгæн, бабуинты къорд, уагдонæй рахъуызыд.
Бабуинтæ 208 литры хуылфасы уæларвгъуыз боцкъæйæ зондджынæй спайдайы фæстиуæгæн ралыгъдысты.
Маймулитæ боцкъæйæ спайда кодтой куыд асинтæ афтæ, батылдтой йæ æмбондмæ, æсхызтысты йыл æмæ агæппытæ кодтой.
Уагдоны ахуыргæндтæ дарынйц 1100 –ы онг цæрæгойы. Боцкъæтæ дзы цалдæр мæйы размæ бахастой хæлцады ссарыны инстинкты фæхуыздæр кæныны нысанæй – бабуинтæ иу боцкъæтæ фæйнæ æрдæм ратул-батул кæнынц, æмæ уырдгæй та сæм рахауы хæринаг.
«Тынг зæндджын цæрæгойтæ сты. Нæ зонын куыд æй ралæууын кодтой боцкъæ, фæлæ факт у, уый сын куыддæрты бантыстис, æсхызтысты йæ сæрмæ æмæ уагдоны къулæй агæпп кодтой. Стæй та бæрзонд ранмæ æсбырын сæ инститнкт у» – загъта иртасæн институты пресс-спикер Лиза Крус Gizmodo-йæн.
Инциденты рæстæджы цыппар бабуины боцкъæ уагдоны къулмæ батылдта. Къулмæ сбырыны фæстæ, къорды иуæй-иу уæнгмæ куыд фæбæрæг афтæмæй, фæзындис ндæр хъуыды æмæ фæстæм раздæхт.
Фæлæ иннæ æртæ маймулийы, афтæ сабыр нæ разындысты. Уыдон æнцонтæй ахызтысты абрагæйæ æнцон барьерыл – институты алыварс æмбондыл æмæ фæндагмæ ралыгъдысты, цы ран сæм шофыртæ æмæ бæлцæттæ дисгæнгæйæ кастысты.
20 минутон фæдыл зилыны фæстæ, институты къорд бабуинты рацахста æмæ сæ фæстæмæ æдасæй æрызхдахта уагдонмæ.
Институты фидиуæнæй, алидзгæ цæрæгойтæ ныр ныицы медицинон сгæрсты баст не сты æмæ уый тыххæй дæр, исты низы ахæлиуы тас дæр нæй зæгъгæ.