Мах, Гуырдзыстоны демокративон оппозицион партитæ, сидæм æууæнкджын æппæтдунеон институттæм, сыххæст кæной хæдбар æппæтдунеон фæдагуырд, цæмæй сбæлвырд кæной фактон уавæртæ, рабæрæг кæной аххосджынтæ, æмæ ма бауадзой ахæм буаргъæдтæй дарддæр пайда кæнын – уый фæдыл ис фыст авд оппозицион партийы расидæны.

Расидæны куыд дзырдæуы, афтæмæй сидынц æхсæнадæмон партнертæм, цæмæй «æркæсой рæстæгмæ арæнæвæрдтæ æвæрынмæ уыцы сæрмагонд ифтонггæрзтæ æмæ фæрæзтæн, кæцытæй ис спайда кæнæн æхсæнадæмон нормæтæ халгæйæ æмæ æмбæстæгты ныхмæ».

«Демокративон партнертимæ æмгуыстгæнгæйæ, мах ныридæгæн æмбырд кæнæм æмæ бакусæм алы æмбæлон информаци, кæцы æрвыст æрцæудзæн æхсæнадæмон уагдæттæм.Нæ иумæйаг нысан бæрæг у: режимы ивды агъоммæ мауал спайда кæнæм ахæм буарадтæй, кæд æмæ ВВС-ы фæдагуырды хатдзæгтæ хæдбарæй сбæлвырд уыдзысты», – дзырдæуы фидиуæны, кæцыйыл къухтæ æрфыстой ахæм оппозицион партитæ: «Ахали»,  «Гирчи», «Европаг Гуырдзыстон», «Националон Демократон парти», «Сæрибары фæзуат», «Стратеги Агъмашенебели», «Федералисттæ».