АИШ-ы президент Дональд Трамп бардзырд бафыста, цæмæй бæстæйы æппæт æддаг æххуысы программæтæ 90 боны æмгъуыдмæ æрлæууын кæной, цалынмæ æркæсой. Программæтæ рæстæгмæ æрлæууын кæныны нысан у сбæрæг кæнын, æмдзу кæнынц æви нæ йæ политикæйы нысантæн.

Уый тыххæй хъусын кæны «Ассошиэйтед Пресс».

Документы ис фыст, цæмæй «æддагон æххуысы индустри æмæ бюрократи нæ æмдзу кæнынц Америкæйы интерестимæ æмæ бирæ цауты ныхмæлæуд кæнынц бæстæйы аргъдзинæдтæн».

Уымæй уæлдай ма банысангонд цæуы, æндæр паддзахадтæн æххуыс кæй «ахъаз кæны дунейы сабырады дестабилизацийæн, фæсарæйнаг бæстæты ахæм хъуыдытæ парахат кæнгæйæ, кæцытæ сты комкоммæ ныхмæлæууæг гармонион æмæ стабилон ахастытæн, куыд уыцы бæстæты мидæг, афтæ уыцы бæстæты æмæ æндæр паддзахадты æхсæн дæр».

Уымæ гæсгæ Дональд Трамп расидтис, зæгъгæ, «АИШ-æй дарддæры æддаг æххуыс нал уыдзæн лæвæрд ахæм хуызы, кæцы æххæстæй нæ æмбæлы бæстæйы президенты æддаг политикæимæ».