Гуырдзыстоны экономикæйы æмæ æнæфæцудгæ рæзынады министрады агентад «Продукци кæнын Гуырдзыстоны» æххуысæй, гуырдзиаг компанитæ райдайынц листинг кæнын раззагдæр B2B электронон коммерцийы платформæ Alibaba.com-ыл.

Экономикайы министрады информацимæ гæсгæ, фыццаг этапыл платформæйыл 50-ы бæрц гуырдзиаг компанийы регистраци плангонд у.

«Агентад æххæстæй бамбæрздзæн афæдзон уæнгдзинады фиддон, афтæ дæр æндæр хæрдзтæ, кæцытæ баст сты продукцийы популяризациимæ æмæ платформæйыл листингимæ.Гуырдзыстоны компанитæ спайда кæндзысты афтæхуыйнæг Глобалон Згъæры Æрвитæджы статусæй – ахæм бæлвырдгæнæн, кæцы компанитæм æууæнкдзинад фылдæр кæны æмæ потенциалон æлхæнджытæн æххуыс кæны информиргонд уынаффæтæ райсынæн.Листинг Alibaba-йыл гуырдзиаг компанитæн ратдзæн уникалон фадат глобалон бацыдæн. базар, æхсæнадæмон партнерты æрбангом кæнын æмæ экспорт фæбæрзонддæр кæнын», -ис фыст министрады расидæны.

Уымæй дарддæр ма, ведомствæйы куыд банысан кодтой, афтæмæй компаниты æвзæрст платформæйы листингæн уагъд цæуы дыууæ этапæй.

«Фыццаг этапыл, агентад Produce in Georgia æвзæрста/ранг кодта компанитæ, кæцытæ бирæ азты дæргъы æрæмбырд сты tradewithgeorgia.com электронон платформæйыл.Дыккаг этапыл, Alibaba.com-ы æвдыст компанитæ ацæудзысты уæлæмхасæн бæлвырдгæнæн.Æвзæрсты фæуды фæстæ, компанитæн уагъд æрцæудзæн ахуыртæ агентады фарсылхæцындзинадимæ, кæцыйы фæстæ райдайдзысты æвæрын платформæйыл.

Æввахс рæстæджы, Alibaba.com-ы къорд Гуырдзыстонмæ визит план кæны, кæцыйы рæстæджы раззагдæр электрон коммерцийы платформæйы минæвæрттæ гуырдзиаг продукциимæ базонгæ уыдзысты.

Alibaba.com арæзт æрцыд 1999 азы. Раззагдæр B2B электронон коммерцийы платформæ лæггад кæны æлхæнæг æмæ æрвитæггæгтæн дунейы 200 бæстæйы æмæ регионы. Платформæ æххæссы базарады æндæр æмæ æндæр фадгуытыл, æххуыс кæны бизнесæн æппæтдунеон базармæ бацæуынæн, æлхæнджытæн та – цæмæй ссарой продукттæ, фæлхасгæнджытæ æмæ тагъд æмæ эффективонæй æххæст кæной заказтæ», – дзырдæуы экономикæйы министрады парахатгонд информацийы.