Æнхъæлмæ кæсын Ираныл бабырстмæ æмæ æндæр нысаниуæгджын цаутæм хæстæг 48 сахаты мидæг – уый фæдыл Сербийы президент Александр Вучич расидтис.

Сербийы президенты ныхасмæ гæсгæ, дуне иттæг тæссаг моменты ис. Йæ ныхасмæ гæсгæ, цыбыр рæстæгмæ æнхъæлмæкæсинаг сты стыр æфсæддон æмæ политикон змæстытæ.

Вучич дунеон æхсæнады ныртæккæйы цаутæ баст кодта потенциалон æфсæддон архайдтимæ æмæ æрхаста параллелтæ. Вучич æрымысыд Моникæ Левинскийы хъуыддаг æмæ банысан кодта, зæгъгæ, арæх, медийы стыр скандалтæ куы фæзынынц (зæгъæм, Эпштейны ныры документтæ), уæд ист цæуынц уынаффæтæ рæмыгъдтæ æмæ бырстытæ саразыны тыххæй, цæмæй æхсæнады хъусдард æндæр ранмæ аздаха.