АИШ-ы Сенаты  æттаг æммахастыты комитеты сæрдар сенатор Джим Риш æмæ сенатор Джин Шахин Гуырдзыстоны протесты юбилейы фæдыл иумæйаг расидæн парахат кæнынц.

Расидæны ис фыст, цæмæй æвзарджыты тыхстдзинадмæ байхъусыны æмæ оппозициимæ кусыны бæсты, Гуырдзыстоны хицауад æнæпрецедентон къахдзæфтæ сарæзта сæ бауромынæн.

«Афæдзы размæ, Гуырдзыстон бацыд йæ историйы ног, сау периодмæ. Æвзарæнон кампанийы рæстæджы, Гуырдзыстоны европон интеграцийы адаргъы  ныфсæвæрдтæм æнæкæсгæйæ, кæцыйæн гуырдзийаг адæмы фылдæры хай йæ фарсыл хæцы, хицауад позици фæивта æмæ Конституцийы хæс фехæлдта.

Дзуаппæн гуырдзиæгтæ рахызтысты уынгтæм, цæмæй æркуырдтаиккой ивындзинæдтæ æмæ демонстраци равдыстаиккой хицауад йæ æвзарджыты хъæлæстæм кæй нæ кæсы, уый ныхмæ. Иннæ азы дæргъы, æвзарджыты тыхстдзинæдтæм байхъусыны æмæ оппозициимæ кусыны бæсты, Гуырдзыстоны хицауад сарæзта æнæпрецедентон къахдзæфтæ сæ бауромынæн, авторитарон закъæттæ райсгæйæ, политикон оппозицийы уæнгты ахст æмæ тобæ кæнгæйæ, æмбæстагон æхсæнады лидерты тæрсын кæнгæйæ, АИШ æмæ йæ минæварады кусджыты æфхæргæйæ», – дзырдæуы хъусинаджы.

Афтæ дæр банысангонд у, цæмæй тыхстгонд сты “хицауады ист карз къахдзæфтæй сæрмагонд адæмы ныхмæ”.

«Куыд америкæгтæ, мах аргъ кæнæм адæмы хъомысæн, аргъмæ æнæкæсгæйæ, сæрмагонд сæрибардзинад ма раттой. Куыд Гуырдзыстоны  æввахс  æрдхордтæ политикон цаутæм дарæм нæ цæст æмæ мах Гуырдзыстоны æнтыстдзинадæй стæм интересгонд. Гуырдзийаг адæм аккаг у ахæм хицауад, кæцы йын кад кæндзæн йæ бартæн, цæмæй сæрмагонд фидæн йæхæдæг æвзара” -ис фыст сенаторты фидиуæны.