АИШ-ы республикæгты иртасаг комитет публикаци скодта националон æдасдзинады стратеги, кæцыйы мидæг дзырдæуы Гуырдзыстоны тыххæй
АИШ-ы республикæгты иртасаг комитет публикаци скодта националон æдасдзинады стратеги номхуындæй -«Америкæйы фæтынг æмæ глобалон тасы ныхмæ тох».
Хыгъдлæвæрды автортæ сты комитеты сæрдар Майк Джонсон æмæ комитеты националон æдасдзинады æмæ фæсарæйнаг хъуыддæгты фарстаты кусæг къорды сæрдар Джо Уилсон. Документы мидæг дзырдæуы Гуырдзыстоны тыххæй дæр.
«Конгресс санкцитæ хъуамæ сфидар кæна уырыссаг пропагандæйæ архайджытæн æмæ сæ ныхмæ, чидæриддæр йæ бын къахы АИШ-ы партнертæн раздæры Советон Цæдисæй, афтæма, бахæс кæна паддзахадон департаментæн, аразы хыгъдлæвæрд, Кремлимæ баст олигархты тыххæй, чидæриддæр уырыссаг æфсæддон агресси финанс кæны.
Уæрæсейæн уагæвæрд санкцитæ хъуамæ аххæссой дезинформацион кампанийы лидертæм. Уый æнгæс санкцитæ сфидар кæнын хъæуы паддзахады æххуысæй архайæг дезинформаци парахатгæнджытæн, цахæмтæ дæр, кусæг къорд Китаймæ гæсгæ бавдыста уырыссаг троллты æмæ уырыссаг пропагандæйы разамонджыты æрдæм, кæцытæ æндæр бæстæты Путины пайдайæн архайынц.
Уымæй уæлдай ма, уæвæг санкцитæ æгъгъæд бæрцæй не сты Путины фæсарæйнаг хæлæртты æрдæм, кæцытæ йæ бын къахынц раздæры Советон бæстæты суверенитетæн. Бидзина Иванишвили, сегасдæр бонджын адæймаг Гуырдзыстоны, Путины хæстæг æмцæдисон у æмæ баст у Уæрæсейы пайдайæн Гуырдзыстоны дестабилизацийы процессты.
Виктор Медведчук, проуырыссаг олигарх у æмæ марионет Украинайы, кæцы сæрмагонд медиа-империйы фæрцы архайдта, цæмæй активонæй баххуыс уыдаит Уæрæсейы тыхайрхайдæн апарахат кæнын знаггадгæнæг дезинформаци бæстæйы.
Уымæй уæлдай, паддзахадон департамент хъуамæ сараза Кремлимæ баст олигархты номхыгъд, кæцытæ æххуыс кæнынц уырыссаг æфсæддон агрессийæн марионетты æмсæ æххуырст æфсæдды фæрцы. Ахæм хыгъдлæвæрд пайдаджын уыдзæн Конгрессæн, цæмæй сбæрæг кæна фидæны санкциты æнæмæнгхъæуындзинад æмæ бауромдзæн индивидты æмæ юридикъон уæнгты Кремлимæ æмгуыстадæй», – банысангонд у хыгъдлæвæрды.
Документы мидæг афтæдæр банысангонд у, цæмæй Конгресс хъуамæ фæтынгдæр кæна Гуырдзыстоны цæттæдзинад æмæ иргъæфхъомады фæрæзтæ Гуырдзыстонæн æххуысы акт скусын кæныны фæрцы.
Документыл къух æвæрынц 13 республикаг конгрессмен: Республикæгты комитеты сæрдар Майк Джонсон, кусæг къорды сæрдар Джо Уцилсон, афтæма, конгрессментæ, Роб Уитман, Эн Вагнер, Алекс Мун, Дон Бейкон, Джек Бергман, Нил Данн, Клэй Хиггинс, Ральф Норманн, Ден Крэншоу, Брайан Стилл æмæ Майкл Во.