Гуырдзыстоны æрыгон юристты ассоциаци  расидтысты, цæмæй акцийыл спайдагонд доны æмхæццæ буарадты фæстиуæгæн зианбаййафæг æмбæстæгты номæй барадон процедурæтæ райдайы æмæ æмбæлон коммуникацийæ Гуырдзыстоны прокуратурæмæ бадзурдзæн.

Расидæны куыд ис фыст, афтæмæй  ныртæккæ юридикон æгъдауæй хъахъхъæны авд зианбаййафæгы, кæцытæ æнæниздзинады проблемæтæй хъизæмар кæнынц æмæ баст сты, Мидхъуыддæгты министрад 2024 азы ноябры-декабры протесты рæстæджы сæ ныхмæ цы сæрмагонд фæрæзтæй спайда кодта, уыдонимæ.

«Æхсæнадæн куыд зындгонд у, афтæмæй 2024-æм азы ноябры-декабры Гуырдзыстоны мидхъуыддæгты министрад демонстрациты апарахат кæнынæн спайда кодта æндæр æмæ æндæр хуызы сæрмагонд фæрæзтæй.

2025 азы 1 декабры ВВС ныммыхуыр кодта документалон киноныв æмæ статья, кæцыйы дзырдæуыд, зæгъгæ, 2024 азы ноябры-декабры демонстрациты апарахат кæныны рæстæджы хицауад, дам, спайда кодта химион æмхæццæ бромбензилы цианидæй («камит»), кæцы æмхæццæ уыд доны æртæгимæ. 2025 азы 1 декабры Паддзахадон æдасдзинады службæ райдыдта фæдагуырд куыд Уголовон кодексы 333-æм статьямæ гæсгæ (официалон бартæй ахизын), афтæ 319-æм статьямæ гæсгæ дæр (фæсарæйнаг организацийæн знаггадгæнæг архайды æххуыс кæнын). 2025 азы 6-æм декабры Паддзахадон æдасдзинады куыст рапарахат кодта хъусынгæнинаг, кæцымæ гæсгæ службæ сбæлвырд кодта химикон буаргъæды доны æмхæццæ кæныны факт, фæлæ службæйы информацимæ гæсгæ, химион буар, кæцыйыл дзырд цæуы «Камите» нæ уыд, фæлæ «хлорбензилидин малононитрил». Службæйы парахатгонд информацимæ гæсгæ, «бромбензилы цианид», кæцы афтæ дæр зындгонд у куыд «Камите», Гуырдзыстоны мидхъуыдтæгты министрад никуы балхæдта.