Æнæнизхъахъхъæды министрады информацимæ гæсгæ, 3-æм декабры клиникæтæм фæхæццæ кодтой 15 адæймаг, се æхсæн 11 протестгæнæг, медийы æртæ минæвар, иу та мидхъуыддæгты министрады кусæг у, сæ цардæн тæссаг нæу.
Æртыккаг декабры, протесты фæстиуæгæн, Уæлвæтк уавæрты координацийы æмæ Уæлвæткон æххуысы центры къордтæ 15 адæймагы аластой медицинон уагдæттæм. Се æхсæн акцийы 11 хайадисæг, медиацентры æртæ кусæг æмæ мидхъуыдтæгты министрады иу минæвар. Уый фæдыл Гуырдзыстоны æнæнизхъахъхъæды министрады парахатгонд информацийы ис фыст.
Æнæнизхъахъхъæды министрады информацийæ, цæфтæй чидæртæ дарддæр кæнынц хос кæнын клиникæты дохтырты хъусдарды бын, æмæ сæ цардæн тæссаг нæу.
«Протестон акцийы æввахс 20-йæ фылдæр уæлвæткон координацион æмæ уæлвæткон æххуысы бригадæ мобилизгонд æрцыд. Дæсгай æмбæстæгтæ, се æхсæн медийы æмæ барадхъахъхъæнæг органты минæвæрттæ, бынатыл схос кодтой æмæ рынчындонмæ бахауын нæ бахъуыд. Снысангонд бæрæггæнæнтæм хауынц æрмæстдæр уæлвæткон уавæрты координацийы æмæ уæлвæткон æххуысы центры стационармæ бахауæг адæймæгты нымæц», – банысангонд у æнæнизхъахъхъæды министрады информацийы.
