Кореяйы Республикæйы раззагдæр аслам авиакомпани T’way Air план кæны Сеул æмæ Тбилисы æхсæн æнæпланон (чартерон) рейстæ ауадзын, хъусын кæны Гуырдзыстоны æмбæстагон авиацийы агентад.

«Гуырдзыстоны æмбæстагон авиацийы агентадмæ лæвæрд куырдиатмæ гæсгæ, 2026-æм азы сæрдыгон навигацион сезоны рæстæджы, ома 24-æм апрелæй 16-æм октябры онг рейстæ сыххæст уыдзысты Airbus A330 æмæ Boeing B777 хæдтæхджытæй, дыууæ бæстæйы сæйраг сахарты æхсæн æнæхъæнæй аст рейс плангонд у.

Банысанкæнинаг у, цæмæй Гуырдзыстон æмæ Республикæ Кореяйы æхсæн сезонон æнæрегулярон рейстæ дæр 2024-2025 æзты корейаг авиакомпани «Кореан Эйр» сыххæст кодта. Дыууæ бæстæйы æхсæн 2024-æм азы уæлдæфон фæрæзтæй ласт æрцыд 1077 бæлццоны, 2025-æм азы та – 2233 бæлццоны.

Гуырдзыстоны экономикæйы æмæ æнæфæцудгæ рæзынады министрады æмбæстагон авиацийы агентад авиакомпанийæн рейсты æххæст кæнынæн æнæмæнгхъæугæ барлæвæрд ныридæгæн ратта» -ис фыст информацийы.