Гуырдзыстоны æхсæнадон уацхæссæгы æвджиддар советы уæнгты фылдæр хай Фыццаг Къаналы журналистты фарсылхæцæг расидæн райстой. Лика Басилая æмæ Заза Абашидзе расидæны фарс нæ рахæцыдысты. Сессийыл Лаша Тугуши нæ уыд.

Æвджиддар совет сфидаргонд хъусынгæнинаг æнхъарæм  æнæивгæйæ:

«Гуырдзыстоны Æхсæнадон Уацхæссæг æмæ йæ журналисттæм дарддæр кæнынц хицæн политикон цирхъытæ кæнæ хицæн змæст адæймæгтæ, кæнæ та сæ комкоммæ æфхæрынц æмæ æлгъитынц, кæцы æмрæнхъ у тæссагдзинад, цæмæй кæд æмæ зæронд хицауады минæвæрттæ кæнæ политикон партитæ, кæцытæ семæ комкоммæ баст сты хицауиуæгадмæ æрыздæхыны рæстæджы бæстæйы конституцийæ гарантигонд æхсæнадон уацхæссæг урæд æрцæудзæн.

Бæлвырд у, ранымад зылдты агрессивон риторикæ æмæ уагахаст ницы хуызы амонынц æхсæнады райсгæ ахастыты фæтк, нымад моралон нормæтæ æмæ æмбæстагон хæстæ, кæцытæ нысангонд сты закъондæттынадæй кæнæ уыдонмæ гæсгæ архайын.

Фæстаг рæстæджы, йæ раздæры иуæй-иуты æмрæнхъ, «Тыхджын Гуырдзыстон» дæр ацы хъуыддаджы æгæр активон уыд, кæцыйы минæвæрттæ (зæгъæм, Ана Долидзе) сæхицæн бар дæттынц нæ журналисттæм æрбабырсын æмæ сæм æнæуаг ахаст дарын.

Æнæгъдау æмæ фыдгæнæг æгъдауæй политикон нысантæ къухы бафтын кæнын нæ бæззы нормалон æмæ демократон æхсæнадæн.

Гуырдзыстоны æхсæнадон уацхæссæгы æвджиддар совет хъусын кæны:

Нæй ахæм тых, кæцы Фыццаг Къаналы къухдариуæгады æмæ журналистты тыхæй, тæрсынгæнæн кæнæ политикон трюктæй кæнæ манипуляцитæй æрсабыр кæна æмæ сæ рæстдзинады объективон, æнæхин равдысты фæндагæй аиуварс кæна.

Æвджиддар совет æнæрайсгæйыл нымайы æхсæнадон уацхæссæгы архайды боны фæткмæ политикон тыхты æнæбахъастгæнæг æмæ æнæуаг бахъаст, ууыл политикон æндæвдады бынтон æнæперспективон бафæлвæрд æмæ хъусын кæны, цæмæй кæронмæ хъахъхъæндзæн Гуырдзыстоны æхсæнадон уацхæссыны идея æмæ нæ ныууадздзæн ахæм агрессивон æмæ æнæрайсгæ «архайдтытæ» нормалон æхсæнадæн æнæ æмбæлон дзуаппæй фидæны.

Æхсæнадон Уацхæссæг æрвылбон дæр æххæст кæны тынг ахсджиаг куыст нæ бæстæйæн, хъахъхъæны уыцы аргъдзинæдтæ, кæцытыл лæууы демократон æхсæнад, æппынæдзух лæггад кæны нæ бæстæйы æнæмæнгхъæуæг интерестæн, æмæ йæ хъахъхъæнынад æмæ йын æнæкъуылымпыйæ кусыны æххуыс у алыæмбæстагы хæс.

Нæ фарсылхæцындзинад æмæ æххæст фарсылхæцындзинад фыццаг каналæн – йæ къухдариуæгадæн æмæ журналисттæн!»- ис фыст Æхсæнадон Уацхæссæгы æвджиддар советы расидæны.