12-æм февралы æхсæнадон хъахъхъæнæджы минæвæрттæ, уыцы нымæцы æхсæнадон хъахъхъæнæджы кусæг дохтыр, бабæрæг кодтой Азербайджаны республикæйы æмбæстаг Афган Садиговы, кæцы ахæстоны ис экстрадицимæ æнхъæлмæ кæсгæйæ 18-æм æфхæрæн уагдоны.

Ныхас ма кодтой 18-æм æфхæрæн уагдоны сæйраг дохтыры хæдивæгимæ æмæ ахæстоны чи дзæбæх кæны, уыцы дохтыримæ. Кабинеты кусæг дохтыр Афган Садигов дæр æркаст йæ медицинон документацимæ. Афган Садигов дарддæр кæны йæ æххормаг забастовкæ Азербайджаны республикæйы йæ ныхмæ цæугæ экстрадицийы процессы фæдыл.

Медицинон æрмæгмæ гæсгæ, ис бæрæг уæз фæкъаддæр. Дохтыры ныхасмæ гæсгæ, ацы этапыл æндæр бæрæггæнæнтæ тæссаг не сты, кæд æмæ æнæнхъæлæджы вазыгджындзинæдтæ аиуварс кæнæн нæй.

Медицинон кусджыты ныхæстæм гæсгæ, ахæстоны бадæджы æнæниздзинад кæй фæцудыдта, уымæ гæсгæ цалдæр боны дæргъы исы æмбæлон медицинон лæггæдтæ, йæхи разыдзинадæй. Фæлæ уæддæр нæ разы кæны æмбæстагон клиникæмæ йæ раивыныл.

Æхсæнадон хъахъхъæнæджы кусæг дохтыр Афган Садиговæн радта информаци æххормаг забастовкæйы æнхъæлмæкæсинаг фæстиуджыты тыххæй. Уымæй уæлдай ма, лæвæрд æрцыд информаци йæ хъусынгæнинæгтæн дзуаппы тыххæй æхсæнадон хъахъхъæнæджы офисы æмæ æндæр барадон фарстыты фæдыл.

Æхсæнадон хъахъхъæнæджы офис уæлæмхасæнæй æрдомдта ахæстоны бадæджы æххæст медицинон документаци. Æхсæнадон хъахъхъæнæг дарддæр йæ цæст дары Афган Садиговæн цы медицинон лæггæдтæ кæнынц, уыдонмæ.

Уый фæдыл информаци Гуырдзыстоны æхсæнадон хъахъæнæгы аппарат парахат кæны.