Норвегийы адæймагы барты бындурæвæрд организацийы (IHRNGO) информацийæ, Ираны цæугæ протестты фæстиуæгæн фæмард  648 адæймаг. Уый фæдыл  информаци ВВС фыссы.

Сæ информацийæ,  бæстæйы масштабæй 10 600 активист  ахст у.

Уымæй дарддæр ма, Ираны цæрджыты фылдæр хайæн 96 сахатæй фылдæр интернет  нæй.

Ираны демонстрацитæ 16-æм бон даргъ кæнынц.  Тегераны уынгтæм  фыццаг, дуканиты уæйгæнджытæ  рахызтысты, цæмæй равдисой сæ протест  ирайнаг валютайы девальвацийы фæдыл. Фæстæдæр сæм баиу сты студенттæ дæр. Иран протестон акциты рæстæджы фæмардуæвджыты цытæн æртæ боны дæргъы траур  расидтысты.