Абон муниципалитеты минæварадон оргæны – сакребулойы  2017 азы 21   октябры   æвзæрстыты æхсæйнаг   æвзæрстытæ  цæуынц мажоритарон  æвзарæнон   системæйæ Лагодехы, Адигены æмæ Мартъвилы  муниципалитетты.   Сакребулоты  æхсæйнаг  æвзæрстытæ  ацæудзæн  Лагодехы  муниципалитеты Афены цæрæн ран,  Адигены  муниципалитеты   Аралы   цæрæн ран æмæ Мартъвилы  муниципалитеты  Къицъиийы цæрæн ран.

Централон æвзæрстгæнæн   камисы  хъусинагæй,   æвзæрстытæ   ацæудзысты   авд   æвзарæнон   фадыгыл,   кæцы рæтты  æмтгæй  райсгæйæ   6 798  æвзæрстгæнæг  у  регистрацигонд.  Æвзæрстыты хайад исынц,  æртæ  æвзарæнон субъекты  бавдыстгонд  фондз  кандидаты.

Æвзæрстытæм цæст дардзысты  10 бынæттон  цæстдарæг организацийы   76  æмæ   иу  та  æхсæнадæмон  организацийы   цæстдарæг.  Æвзарæнон   администрацийы  аккредитацигонд у  медиаорганизацийы   221   минæвар.   Æвзæрстыты   хайадисæг   æвзарæнон   субъектты  æрдгæй, цæст бадарыны барæй  регистрацигонд сты   37  минæвар.

Æвзарæнон закъондæттынадмæ гæсгæйæ, халæппæрсты бон,   халæппæрст кæм цæуы  уыцы  бæстыхайы   тобæгонд  у  агитаци.   Афтæдæр тобæгонд у  æвзæрстыты агъоммæ  аргъджын  æмæ æнæаргъ реклама  равæрын   телеуынынад æмæ  радиойы.  Уымæй  дарддæр,  20:00  сахаты  онг  тобæгонд у  æвзæрстытæм гæсгæ  æхæнадон хъуыдыйы  рафарсты  фæстиуджыты   публикаци кæнын.