Гуырдзыстоны премьер-министры патронажæй, сæйраг сахары 22-23 октябры фæндзæм «Тбилисы æфсæнвæндаджы форум» сырæздзæн. Уый фæдыл информаци Гуырдзыстоны экономикæйы министрад парахат кæны.

Сæ ныхасмæ гæсгæ, мадзалы хайад райсдзысты бæрзонд рангы политикон архайджытæ, бизнесы секторы æмæ дунеон организациты минæвæрттæ: регионы бæстæты премьер-министртæ æмæ вице-премьертæ, афтæ дæр регионæй дарддæр бæстæты секторалон министртæ, раззагдæр дунеон компанитæ, дунеон финансон уагдæттæ æмæ дунеон эксперттæ.

«Ацы аз форумы хайад райсдзæн 2000 делегаты онг.«Тбилисы æфсæнвæндаджы форум» ныридæгæн йæхи ныффидар кодта куыд бæрзонд æмвæзады æхсæнадæмон платформæ æндæр æмæ æндæр бæстæты хицауадты æхсæн диалогæн, афтæ дæр паддзахадты, дунеон организациты æмæ бизнесы æхсæн бирæвæрсыг ахастытæн.Форум у нысаниуæгджын дискуссион платформæ дæр, цы ран æхсæнадæмон базарадон, экономикон æмæ логикæйы бастдзинæдтæ Европæ æмæ Европæйы æхсæн уыцы нымæцы «Астæуккаг къæлидоры» маршруты ролыл æмæ йæ функцийы дарддæры рæзты фарстатыл, афтæ ма æндæр æмæ æндæр секторалон здæхтыты ног программæтæ æмæ проекттыл ныхас цæуы.

«Æфсæнвæндаджы форумы» сæйраг темæ æмæ лозунг ацы аз уыдзæн: Бастдзинады инвестицитæ – рæзын стабилондзинад. Ацы аз форумы фæлгæтты плангонд дискуссион рабадтытæ æмæ панелты модератортæ уыдзысты дунейы раззагдæр медийы зындгонд, æппæтдунеонæй нымад минæвæрттæ. «Тбилисы æфсæнвæндаджы форум» 22-æм октябры, Закария Палиашвилийы оперæ æмæ балеты националон театры, Гуырдзыстоны премьер-министры раныхасæй байгом уыдзæн. 22-æм октябры уагъд æрцæудзæн 7 тематикон сессийы: базарады, транспорты, энергетикæйы, нымæцон технологиты фадгуыты. Афтæ дæр 22-æм октябры сырæздзæн инвестицион форум, 23-æм октябры Тбилисы финансон саммит уагъд æрцæудзæн «Силк Роуд Форумы» фæлгæтты, кæцыйы официалон байгом кæныны церемонийы хайад райсдзысты финтехы индустрийы лидертæ. Уымæй дарддæр ма 22-23 октябры форумы хайадисæг æндæр æмæ æндæр секторы компаниты минæвæрттæ ауадздзысты дывæрсыг хъуыддагон фембæлдтæ» – ис фыст экономикæйы министрады расидæны.