Гуырдзыстоны, фæллойады, æнæниздзинады æмæ социалон  хъахъхъæды министрады информацийæ,  2023  азы  фыццаг   январæй, дохтырты æмæ  медицинон хотæн, минималон сахатгай   мызд  снысан уыдзæн.  Сæрмагондæй та, дохтырæн  минималон   мызд сахаты мидæг   авд ларийæ, мæйы  мидæг 1 260 ларимæ хæстæг,   медицинон  хоты мызд та  4.4 ларийæ, мæйы  мидæг  792 ларийы бæрц уыдзæн.

Министрады  информацийæ,  мызд фæфылдæр уыдзæн   9 000-ы онг   дохтыр æмæ  8000-æй  фылдæр  медицинон хойæн.

Афтæма сæ  хъусинагæй,   медицинон секторы  кусæн   уæнгты  куысæн мызды минималон арæн снысан кæныны фæдыл  æнæнизхъахъхъæды министр  Зураб Азарашвили  2022  азы  райдайæны  рагафон райхъусын кодта.

Уыимæ, уагдоны информацийæ,  реформæмæ гæсгæйæ,   иннæ азæй, æппæтадæмон  æнæниздзинад хъахъхъæнынады паддзахадон программæйы баст   алы  клиникæйы къухдариуæг, хæсджын уыдзæн, медхоты  æмæ дохтырты   мыздтæ, æнæнизхъахъхъæды министрады  бавдыст  минималон арæнмæ æмбæлгæйæ  сбæрæг кæна.   Ног регуляцийæ, мыздты рæзт  баххæсдзæни  9 000-ы онг   дохтыр æмæ  8000-æй  фылдæр  медицинон хомæ.

«Банысан кæнын хъæуы, цæмæй фæстаг азты бирæ  бæстæ, ныллæг мыздты проблемæ кæрон скæныны æмæ аккаг  мызды  политикæ ауадзыны  нысанæн,  сфидар кодта  уæвæг кæнæ æрбайста минималон  мыздты  практикæ.  Минималон  мыздыл  æрдзырдтой  ИНО-йы  уæнг   бæстæты 90%», –  банысангонд у æнæнизхъахъхъæды министрады информацийы.