13 февраль у радиойы дунеон бон. Ацы аз темæ у Аразгæ интеллект, йæ лозунгимæ: «Аразгæ интеллект у кусæнгарз, хъæлæс нæ».

Абон Аразгæ интеллект аразы ног фадæттæ æрмæст ногдзинæдтæн нæ, фæлæ ма сфæлдыстадон процесс фæхъæздыгдæр кæнынæн æмæ хъусæгимæ бастдзинад фæарфдæр кæнынæн. Куы спайда кæной этикон æмæ бæрнонæй профессионалон тæрхон, сфæлдыстад æмæ æхсæнадон эфиры аргъдзинæдтæн æххуыс кæнынæн, уæд искусственон интеллектæн йæ бон у суа аудиторийы æууæнк фæбæрзонддæр кæныны фæрæз.

Технологон рæзт фадат дæтты рутинон æмæ административон архайдтытæ автоматизаци кæнынæн æмæ сæ хъус дарын ахадгæ æмæ ахсджиаг фарстатыл, зæгъæм, сфæлдыстадон куыст, факттæ æмæ равзæрæнтæ сбæлвырд кæнын, хъæздыг архивон æрмæджытæ æвдисын æмæ а.д.

ЮНЕСКО 2011 азы 13 февралы снысан кодта радиойы дунеон бонæй. Уыцы бон 1946 азы арæзт æрцыд Иугонд Нациты Организацийы радио.

Гуырдзыстоны радио 2025-æм азы йæ 100 азы юбилей сбæрæг кодта. Раст иу æнусы размæ, 1925 азы Гуырдзыстоны райдыдтой фыццаг радиоалæвæрдтæ. Технологиты æмæ социалон хызæгты рæзтмæ нæ кæсгæйæ, радио нæ фесæфта йæ хъусджыты, йæ бынат æмæ йæ актуалондзинад.

2025-æм азы гуырдзиаг радиоуагъды æнæфæцудгæ традицийæн лæвæрд æрцыд æнæматериалон культурон бынты цыртдзæвæны статус.

Абон Гуырдызстоны радиойы дыууæ каналæй ис гæнæн райсæн æнæхъæн бæстæйы – FM 102.3-ыл, æмæ Гуырдзыстоны радио музыкæйы эфиртæ FM 100.9-ыл.